LATINITAS VIVA

[ille ego qui]

quod cum quidam sodalis a me quaesisset, haec - nescio an parum apta - in mentem mihi venere:
- inter se ludere
- inter se subigitare
- inter se amplexari (et alia)
- inter se (de-)osculari (et alia)
- inter se depsere
verbo nostro "rummachen" aliquid inter basia et concubitum positum significari mihi videtur. quam ob rem nescio an hendiadys*** magis idonea sit.
vobis quid videatur, resciscere velim

valete.


____________________
*** quis vestrum mihi ostendet, quomodo hoc verbum Graeculum, quod est "hendiadys" in casus (numerosque) declinetur? pergratum erit.

[marcus03]

@illum me,qui

Secundum descriptionem tuam verbum Latinum verbum Anglicum "petting" reddens quaerere videris.

venerem (libidinem) corpore iucunde/iucundissime tangendo stimulare (illicere et inflammare)

http://www.zeno.org/Georges-1910/A/reizen?hl=reizen

[Tiberis]

quomodo hoc verbum Graeculum, quod est "hendiadys" in casus (numerosque) declinetur?

hendiadys ? nonne id "hendiadyoin" (εν δια δυοιν) appellatur? quod quidem , cum ex tribus verbis constet, declinari non potest. quid ergo reliquum est, nisi ut Latine id appellemus "unam rem duobus verbis expressam/ redditam" (vel simili modo) ?

[Zythophilus]

Si quid declinari potest, ἕν declinetur.

[consus]

Amicis sal.
Assentior Tiberi nostro: ἓν διὰ δυοῖν] vox indeclinabilis: unum per duo nomina exprimitur (Anglice: hendiadys, plur. hendiadyses). Cf. etiam Lillas, Rosmari: Hendiadys in the Hebrew Bible, diss. Gothoburgi 2012, caput 3: https://gupea.ub.gu.se/bitstream/2077/29024/1/gupea_2077_29024_1.pdf

[ille ego qui]

cur autem, quaero, Angli dicunt: "hendiadys"?

ad rem: verbo "rummachen" aliquid inter basia et illud, quod Tiberis noster attulit, "petting" positum significari mihi videtur - quod fieri solet veste non deposita, tamen quodammodo ad concubitum spectat. oportet autem ad basia accedat id, quod Germanice dicitur "fummeln"

valete!

[Tiberis]

et illud, quod Tiberis noster attulit, "petting" positum significari mihi videtur

nil ad appellationem illam attuli, quod sciam. tamen fieri potuit..

[ThomasVulpius]

Salvete, coryphaei!

Quidam proposuerunt: *pipitorium

http://ephemeris.alcuinus.net/percontatio.php?id=1160

Quid vobis videatur, resciscere velim.

Bene valete et respondete!
Thomas vester

[marcus03]

Locus fritinniendi/susurrandi

Fritinnitorium

http://www.zeno.org/Georges-1910/A/zwit ... zwitschern

[ille ego qui]

mirum quiddam nuper mihi accidit Monachii. in mercatu natalicio, qui modo sub Serico turri est, cuidam amicae de Latinitate viva narravi et novata verba ei proposui, velut "computatri". quibus rebus auditis nescioquis homo nobis minime notus nobis narravit de commentario quodam, quem paulo ante legisset - qui est de ea ipsa re, de qua vos agitis.
papa enim ipse nunc "breviloquitur", ut novato verbo dicunt
legite, sultis, ipsi - et valete.

http://www.swisseduc.ch/altphilo/news/d ... 121129.pdf

[ille ego qui]

res confudi, mi Tiberis. ignoscas!

[consus]

Optime excogitatum!

[consus]

...Quidam proposuerunt: *pipitorium ...

Qua voce audita, optime Vulpi, nonne periculum est ne risus moveatur?

[guenterus]

Salvete sodales!
Interrogo me, quid est hoc? Quid vobis videtur?
vale

[consus]

Videtur mihi esse hoc: magnus in salute afferenda usus (cf. Caes. Gall. 1, 39, 2).