LATINITAS VIVA

[consus]

Quamvis serius veniam, amici, et hoc proponere velim vocabulum:

*detruncatrum

Cf. Ov. met. 8, 769: "detruncatque caput".

[Brakbekl]

http://www.focus.de

Hoc verbum, "innerer Schweinehund" idem significat, sicut apud Lutheram "alter Adam". Quomodo in l. L. possumus vertere?

[marcus03]

animus repugnans/resistens

[ThomasVulpius]

taberna/caupona (au)bubulcorum

Non agitur de bubulcis, sed de eis, qui musicam bubulcorum audiunt.

[consus]

Equidem, quod ad vocabula "country music" et "country bar" pertinet, vocabulum cantus adhibendum censeo esse; quo soni significantur, qui ab iis qui artis musicae periti sunt nervis tibiis vocibus efficiuntur. Sequitur ut Anglica illa vocabula, Latine reddi liceat his ut opinor verbis: "cantus rusticus" - "caupona (sive taberna) cantus rustici". Tu quid sentis, Vulpi?

[marcus03]

Mihi primi illi in mentem venerunt, qui modo bubulcorum vestiti talibus cauponis versantur ad illam musicam audiendam.
Apparet me de "Westernbar" cogitasse verba confundens.

[Zythophilus]

istud

[ille ego qui]

salvete!
estne "i" in hac interiectione consona an vocalis?

valete

[Medicus domesticus]

—> ĭō
Martialis VII,6: ...Rūrsŭs, ĭō, magnos clamat tibi Roma triumphos..

[ille ego qui]

gratias tibi ago, mi optime medice,
sed iste, quem laudas, locus mihi haud certissimus videtur. ecce enim:

Rūrsŭs, ĭō, magnos clamat tibi Roma triumphos

quid enim obstat, quin legamus: rursus, jo, magnos ...
- - / - - / - (ubi "i consona" longitudo efficitur)
quod tamen non nego mirum aliquid sonare ...

videamus porro ... apud Catullum scriptum videmus:

io Hymen Hymenaee io,
io Hymen Hymenaee.

quod duabus rationibus recitari possit,
i vocali et elisionibus, quarum una elidatur quaedam ipius interiectionis pars i(o) Hymen ...
vel i consona ...

quid vobis videtur?

[Zythophilus]

Etiam apud Ouidium post "io" hiatum inuenimus:

et bis "io Arethusa" uocauit, "io Arethusa!"

[ille ego qui]

etiam apud Ovidium et i consona et vocali recitare possumus ita, ut versus integer maneat ...

[consus]

Stilo quasi volante, amice:
Equidem rem puto ita se habere (cf. Crusius-Rubenbauer § 23).
ἰώ > ĭō.
(1) ĭō: sine dubio apud Hor. carm. 4, 2, 49 (systema Sapphicum):
"tēquĕ dūm prōcēdĭs, ĭō Trĭūmphĕ"
(2) ĭō sive jō:
cf. Verg. Aen. 7, 400 / Ov. met. 4, 513: “clāmăt ĭō“ (- u u - ) sive “clāmāt jō” ( - - - ) (-mat syllaba positione longa).
Simili modo “rursus io” (cf. exemplum a Medico propositum) explicari potest.
(3) Venio ad Catull. 61, 149 et 150: io: una syllaba videtur esse.
149: “io Hymen Hymenaee io”: versus glyconeus: “jō hymēn hymĕaeĕ jō”.
150 “io Hymen Hymenaee”: versus pherecrateus (= glyconeus catalecticus): “jō hymēn hymĕaeĕ”.

[Tiberis]

Sequitur ut Anglica illa vocabula, Latine reddi liceat his ut opinor verbis: "cantus rusticus" - "caupona (sive taberna) cantus rustici"

caupona cantus rustici - bene quidem.tamen: nonne vox "countrybar" ad Civitates Foederatas pertinet?
cum "cauponae cantus rustici" ubique terrarum inveniantur, cantus , quos in ea taberna audimus, cuius nomen Latinum quaerimus, Americanorum proprii sunt. quamobrem nomen inveniendum esse puto, ex quo natura eius Americana appareat. ergo proponere ausim. "taberna (vel: caupona) rustica Americana". quid sentis, mi optime Conse ?

[consus]

Etiam apud Ouidium post "io" hiatum inuenimus:

et bis "io Arethusa" uocauit, "io Arethusa!"

Usitata sane res*: cf. Ov. met. 5, 363. "o utinam...".
___________________________
*Cf. Crusius-Rubenbauer § 19 (4).