LATINITAS VIVA

[ille ego qui]

clavus (ludicrus?)

[ille ego qui]

Mihi placet verbum novum "interfacies, interfaciei".
Hoc verbum scripsi, cum programma Scrabble3D in Latinum converterim.

mihi minus! nonne enim "interficies" debet esse - ad exemplum superficiei? quae tamen vox nimium cruoris mihi videtur habere

vale.

[marcus03]

Cum vox"INTERFICIES" et forma verbi interficiendi sit, quod omen pessimum contineat, eam adhiberi non oportere puto. Talia homophona vitentur, etsi quandam rationem nova verba fingendi sequantur et contextus rem claram ac distinctam reddat.

[RM]

Mihi placet verbum novum "interfacies, interfaciei".

Arrrgghhh!!

RM

[ThomasVulpius]

clavus (ludicrus?)

Ea est difficultas, ut translatio huius verbi Britannici in sermone Germanico "Lustknüppel" significet. Cui voci quidam sensus impudicus certe subest: mentulam significari opinemur. Et "clavus ludricus" olisbos (Latine "fascinum artificiale") sit. Ita fiat, ut sententiae falso intellegantur: "Ante computatrum sedens clavo ludicro lusi" - hanc sententiam ad deglubendum pertinere aliquis putaverit.

[Feliculus]

forsitan gubernator verbum idoneum est? scio ioisticum "hominem qui gubernat" non esse,
sed magna perturbatio huius verbi usu suscitari non censeo, cum et "Wecker" homo non sit qui dormientes excitet, sed machina.

[Bussinatrix]

Tuum propositum mihi optime placuit. Conscrispsi et in lexicon meum inserui.

Nonne index verborum tuus in rete reperiri potest?

[ThomasVulpius]

Tuum propositum mihi optime placuit. Conscrispsi et in lexicon meum inserui.

Nonne index verborum tuus in rete reperiri potest?

Qua de re iam disputavimus. Ego quinque linguarum antiquarum lexica schedulis ipse conscripsi. Quarum schedularum sunt ad trecenta milia. Tantam copiam in rete transferre non potero.

[ThomasVulpius]

Mihi placet verbum novum "interfacies, interfaciei".
Hoc verbum scripsi, cum programma Scrabble3D in Latinum converterim.

mihi minus! nonne enim "interficies" debet esse - ad exemplum superficiei? quae tamen vox nimium cruoris mihi videtur habere

vale.

Eius rei verbum iam est: internecio.

[Bussinatrix]

Qua de re iam disputavimus. Ego quinque linguarum antiquarum lexica schedulis ipse conscripsi. Quarum schedularum sunt ad trecenta milia. Tantam copiam in rete transferre non potero.

Ubi hac de re disputavistis?
Quinque linguarum?! Trecenta milia?! - o mehercule!
Cui lexica tua fructui erunt, si privata sunt? Visne librum chartaceum Ä“dere?

[ille ego qui]

missum igitur fac "ludicrum". nescio an - verborum contextu perspicuo - sufficiat: "clavus" (quod verbum etiam antiquitus gubernaculum significabat)

[Bussinatrix]

Vir vel puer, qui lusum ludit, lusor dicitur.
Quomodo mulier vel puella, quae lusum ludit, dicitur?

Nomen femininum nec in indice verborum Lewis & Short nec in indice Georgis nec in Langenscheidto nec in Ponte repperi.

Quoniam ludo Scrabularum alea non adhibetur, nomine feminino aleatricis uti nolo.

[marcus03]

lustrix ?
ludo addicta/dedita
ludendo studiosa

[Medicus domesticus]

http://de.pons.eu/deutsch-latein/cd+spieler

[ille ego qui]

quid hic vult "spieler"? "aleo" = "(homo) aleae indulgens"?

vale.