LATINITAS VIVA

[Bussinatrix]

Fieri non potest, ut hoc nomen Anglicum "Computer" in Latinum convertatur, quod hoc in loco non velut verbum, sed velut nomen fixum a programmate automate gignitur. Nomen "Computer" non est pars chartae linguae (Sprachdatei) quae converti licet. Me paenitet...

[RM]

Vocatur "computatorium" (instrumentum scilicet). Carolus Egger hoc vocabulo est usus iam ante fere XXXX annos.

RM

[Bussinatrix]

Aliis locis, ubi "computer" nomen lusoris non est, sed officium (Funktion), cuius nomen a me in Latinum converti potest, scripsi verbum computatri. Estne mendosum, care RM?

"Computatrum" tamen in interrete persaepe inveniri potest...

[RM]

Est. Nomina machinarum a verbis primae coniugationis in -trum ficta non exstant nisi Graeca. Etiamsi "computatrum" saepe dicitur propter consilium olim Caelestis Eichenseer, tamen ita fingi non debuit.
Praeterea vocabula, quae finem in -trum habent, instrumenta neque machinas significant.

RM

[Bussinatrix]

Care RM, censesne igitur in programmate Scrabularum III dimensionum praestare me verbo computatorii Caroli Eggeri uti quam verbo computatri illius Caelestis Eichenseeri, quamquam computatrum saepe dici solet?

[Bussinatrix]

Ergo mihi etiam adiectivum "Computer-" opus est.
Iam scripsi "computatralis,-e" in charta latin.lang programmatis Scrabularum trium dimensionum:

Iis, qui systemate administrativo computatrali Linucis utuntur, hic id iussum inscribendum est, quo soni "wave" efficiantur (sicut paplay pro Pulseaudio vel aplay pro Alsa).

[ThomasVulpius]

Salvete, coryphaei!

Propono: [promotorem cantatorum].

Quid vobis videatur, resciscere velim.

Valete et respondete!

Thomas vester, novorum verborum investigator.

[RM]

Care RM, censesne igitur in programmate Scrabularum III dimensionum praestare me verbo computatorii Caroli Eggeri uti quam verbo computatri illius Caelestis Eichenseeri, quamquam computatrum saepe dici solet?

Nescio. Visne rectius an communius loqui?

RM

[RM]

"fabricator musicae" vel "faber musicae". "Promotor" est aliud munus.

RM

[ille ego qui]

nonne in arte scaenica simile quid dominus ille gregis? fortasse inde aliqua translatio fieri possit
(dominus cantorum / musicorum)

[ille ego qui]

quod adiectivum adhibere soles a "computatorio" doctum, mi RM? "computatorius" enim aliud quiddam mihi videtur esse atque "ad computatorium pertinens".
vale

[ille ego qui]

quaedam alia mihi liceat rogare:
- quae sunt exempla verborum Latinorum in -orium desinentium, quae machinas significent (non instrumenta)?
- quid intersit inter machinas et instrumenta, non certissimum constare mihi videtur.
- nonne "computatorium" sit ellipsis "instrumenti computatorii"?
- nonne patet "aratrum" ab "arando" ductum esse (in qua re quantum valuerit verbum Graecum unde sciamus)? verbum enim Graecum a correptam habet!

pergratum fuerit, si singulis responderis. adhuc enim semper dicebam computatrum. nec facile consuetudinem hanc carissimam deponam

vale.

[Bussinatrix]

Gratias tibi ago, care "ille ego qui". Bene rogasti!
Etiam mihi interest, sodalis nostri RM opinionem legere.

Dictum "instrumenti computatorii" autem scribere non possum, quod nimis longum et parum elegans (= als Ausdruck viel zu schwerfällig) est.

[Bussinatrix]

Care RM, censesne igitur in programmate Scrabularum III dimensionum praestare me verbo computatorii Caroli Eggeri uti quam verbo computatri illius Caelestis Eichenseeri, quamquam computatrum saepe dici solet?

Nescio. Visne rectius an communius loqui?

Neque ego scio. Rectius loqui praestat. Si autem verbis communioribus utor, usuariis certo facilius est intellectu. Maxime interest usuarios officia (die Funktionen, die Funktionsweise) programmatis Scrabularum III dimensionum intellegere, cum superficiem Latinam elegerint - quae res Anglice "Usability", Theodisce "Anwenderfreundlichkeit" dicitur.

[Zythophilus]

Placetne lanista?