DE VERBIS NOVANDIS

[ille ego qui]

"(etwas) faxen"
------------------------

David Morgan in lexico suo proponit haec:

writ fax / isographia ex longinquo (LRL) /
.writ fax machine / telecopiatrum (CIAR.)

dicamus igitur "aliquid telecopiare" verbum copiandi hoc quidem intellectu acceptum nonne mediam, quae dicitur, aetatem redolet?

valete.

[ille ego qui]

fortasse Consus redux aliquid addet de "faxen"

sin aliter, ecce novum propositum:

"gully(deckel)"
-----------------

... quamquam dubito, quin hoc filum ad hanc rem aptissimum sit. suspicor enim verbum antiquum inveniri posse, quoniam res ipsa minime nova est.
haec in verba iam incidi, quae tamen num aptissima sint nescio:

incile, defluvium, emissarium

valete

[marcus03]

@faxen:

Significationem fundamentalem verbi transcribendi propono: (per machinam/electronice) transcribere

cf:
http://www.zeno.org/Georges-1913/A/tran ... transcribo

[RM]

Primum illud in memoriam revoco Ciceronis: Stoicorum autem non ignoras quam sit subtile vel spinosum potius disserendi genus, idque cum Graecis tum magis nobis, quibus etiam verba parienda sunt inponendaque nova rebus novis nomina. quod quidem nemo mediocriter doctus mirabitur cogitans in omni arte, cuius usus vulgaris communisque non sit, multam novitatem nominum esse, cum constituantur earum rerum vocabula, quae in quaque arte versentur.
(Cic. Fin. 3, 3, 10)
Ergo licet nova verba parere. Pro "faxen" autem iam diu "telecopiare" dicebatur. Pro "fax" non dicerem "isographia ex longinquo", quia nimis longum est. Dicamus "telecopia"! Cur aliis verbo utamur? Pro instrumento autem plerumque "telecopiatrum" invenitur, quod secundum regulas non optime fictum videtur, nam telecopiatorium melius esset.
Quis autem adhuc instrumentis telecopiatoriis utitur?

RM

[ille ego qui]

gratias vobis ago.

quid de gully?

valete.

[Zythophilus]

operculum?

[Medicus domesticus]

Suetonius olim scripsit (de gramm. 2):
Primus igitur, quantum opinamur, studium grammaticae in urbem intulit Crates Mallotes, Aristarchi aequalis, qui missus ad senatum ab Attalo rege inter secundum ac tertium Punicum bellum sub ipsam Ennii mortem, cum regione Palatii prolapsus in cloacae foramen crus fregisset...

[Zythophilus]

Quibus rebus talia foramina teguntur? Operculis, puto.

[Medicus domesticus]

Operculis lapideis tecta sunt cloacae foramina. Videte operculum lapideum Vindobonae inventum:
http://commons.wikimedia.org/wiki/File: ... rkt-71.JPG

[Zythophilus]

Quin hoc operculum mihi notum sit, dubium non est. Vtrum eius nomen aliqui auctor antiquus memorauerit necne, quaero.

[ille ego qui]

gratias vobis ago

[ille ego qui]

Helferus proponit

- gula
- guleta

cf.: http://www.wissen.de/wortherkunft/gully


valete.

[ille ego qui]

"Achterbahn"
---------------
Annalibus Forchemiensibus ("Annafest" in oppidulo "Forchheim" celebratum) adductus* mecum ipse quaerebam (ut ait Tullius noster!) quomodo "Achterbahn" Latine redderetur. quod cum ex Valahfrido Stroh per epistolium electronicum quaesivissem, ille respondit sibi placere vocem 'currus octupli' (alibi vocem inveni curriculi retroflexi).
vobis igitur, sodales doctissimi, quid videatur resciscere velim (ut ait si non Arpinas, at certe Tremoniensis noster) nomen a Valahfrido propositum vobis probatur?

* "anlässlich"
---------------
quod quamquam ad filum exercitationum stilisticarum aptius videtur, tamen hic quaeram: quomodo bene Latine dicitur: "anlässlich des annafests". placetne ratio a me supra adhibita?


bene valete - atque respondete!

[Tiberis]

respondit sibi placere vocem 'currus octupli'

hoc parum aptum mihi videtur, primum, quod verbum Theodiscum (scil. Achterbahn) non ad singulos currus, sed ad constructionem ipsam pertinet, deinde, quod ex istis verbis minime apparet, quaenam res significetur. (> "achtfache wagen ??)
ergo propono, ut in ea re Italos vel Francogallos sequamur, qui eam "montes Russos" appellare solent.

[Zythophilus]

Romanis nec numeri Arabici nec Russi noti erant.