LATINITAS VIVA

[marcus03]

deversorium quinque stellis distinctum

cf:
http://www.zeno.org/Georges-1910/A/ausz ... uszeichnen

[ThomasVulpius]

l:
"Campanarius Nostrae Dominae"

RM

Robertus noster - ut fieri solet - optimam translationem praebuit.

[Tiberis]

equidem censeo studium esse inane, si nomina propria - Wodka quin nomen proprium sit, nemo fere dubitat - in Latinum convertere velimus. quid? nonne "Wodka" ut deminutivum "aquolam" vel "aculam" significat ? tamen voce aculae audita dubium est, num de liquore illo Russo cogitemus. sin autem dicimus " temetum Russicum", verbum Russum (Wodka) non Latine reddimus, sed pluribus verbis explicamus.

[Tiberis]

nonne deversorium nostra lingua "hotel" appellatur? equidem proponere ausim "refectorium", quod quidem ut verbum mediae aetatis apud veteres non invenitur, quamvis id, quod quaerimus, veluti acu tangere videatur.

[RM]

Care Thoma!
Non sunt cauponae sive popinae quinque stellarum! Quinque stellae enim in Periegesi Michelina (vide HIC) non distribuuntur. Maximus numerus est trium stellarum!

"Restaurant" dicitur "caupona" vel "popina" vel "ganea"

RM

[durgicola]

ut tacitus dixerit potui humor ex patata in similitatem vini corruptus

[ThomasVulpius]

Salvete, coryphaei!

Quia "Nutella" nomen proprium cibi specialis est, id propono, ut hunc cibum Latine quoque "Nutellam" vocemus.

Quis vobis videatur, resciscere velim.

Bene valete et respondete!

Thomas vester, comesor Nutellae.

[marcus03]

"Aus Supercrema wurde Nutella, ein Kunstwort aus dem englischen nut (Nuss) und der italienischen weiblichen Verkleinerungsform -ella."

http://de.wikipedia.org/wiki/Nutella

in analogiam verbi Anglici: ---> nucula(vel nuciella ?)

[ThomasVulpius]

Care Thoma!
Non sunt cauponae sive popinae quinque stellarum! Quinque stellae enim in Periegesi Michelina (vide HIC) non distribuuntur. Maximus numerus est trium stellarum!

"Restaurant" dicitur "caupona" vel "popina" vel "ganea"

RM

Vae mihi, qui cibo simplici vescar! Quot stellis cauponae distinguantur, nescio.

[ille ego qui]

nucellia

licet molestus sim, sed unde ista "i"?

vale.

[marcus03]

licet molestus sim, sed unde ista "i"?

ad sonum pulchriorem gignendum

Mihi NUCIELLA sonum praeclare Italianum habet. In lingua mihi pronuntianti "dilabitur".

[ille ego qui]

infiteor istam i inserere licuisse
sunt quaedam leges verborum conformandorum, quas nulla re cogente violare fas esse non censeo.

vale.

[marcus03]

nulla re cogente

Quidem nulla res cogit, sed sonum pulchriorem rem excusare posse puto.
Miror te voce FAS ESSE uti. Hoc in contextu mihi durior videtur. Quam hac re dignam non puto.
Iterum quasi inquisitor magnus ac iudex implacabilis locutus es. Memento linguas mutationi esse subiectas.
Quis excluserit illas leges exceptiones non permittere ?
Praeterea mihi ridendi causa est, si in convertendo tali verbo de normis admones.
In quovis alio verbo recte dicas, sed in NUTELLA tibi assentiri non possum, etiamsi velim.
Arcus super modum extendi non oportet/fas est.
Fortasse praestat te panem Nutella oblitum comedere quam de (supervacua) littera "i" moleste ferre.

[ille ego qui]

recte tu quidem, mi Marce, linguas mutari mones, sed hoc est proprium et peculiare linguae Latinae, quod abhinc duo milia annorum mutari desiit, quod ad indolem et medullas linguae attinet - ita ut sermo quasi aeternus, immortalis, universalis exstiterit, quo usi terras aetatesque transcendimus. certe verba novantur, cum res ipsae mutari numquam desinant. tamen suadeo, ne leges ipsas mutemus auribus nostris vix vere Latinis aut Romanis temere confidentes, ne eam, quam veram virtutem linguae Latinae esse arbitror (immortalilitatem illam et continentiam dico), amittamus.

cf.: http://www.zeno.org/Georges-1913/A/nucella?hl=nucella
ecce Romani ipsi i litteram minime videntur desiderasse. quam inserere in nostra manu esse nego.

[ille ego qui]

hoc mihi quidem in Latinitate, q.d., viva semper maxime placebat atque arridebat, quod linguam illam mortuam, quae putatur, augemus atque ad res hodiernas accommodamus ita, ut tamen leges linguae innatas ubique observemus. quod si diligenter facimus, multa etiam de natura linguae ipsius (antiquae) in dies addiscimus.

valete