LATINITAS VIVA

[durgicola]

Recte quidem: cur autem vocem quae non modo ab usu latini sermonis abhorreat sed ne in lexicis quidem linguae vernaculae reperiatur latine reddendam arbitremini haud video.

[ThomasVulpius]

Salvete, coryphaei!

Sunt, qui eos libros, qui de Harrio Potter sint, ita admirentur, ut ipsi narrationes, qui de Harrio eiusque amicis sint, conscribant - imprimis obscaenas. Eius modi litterae "Fan Fiction" Germanice vocantur.

Propono [narrationem fautorum].

Quid vobis videatur, resciscere velim.

Bene valete et respondete!

Thomas vester

[marcus03]

Eius modi litterae "Fan Fiction" Germanice vocantur.

Fabulae maxime captorum/obsessorum/infectorum

@Germanice:
Neo-Germanice ? Verbum pro voce "Neuhochdeutsch" fingere nec audeo nec possum.
Fortasse tibi vox apta in mentem veniet. Si ita sit, vos certiores facias. Gratias praemitto.

[ThomasVulpius]

Fabulae maxime captorum/obsessorum/infectorum

@Germanice:
Neo-Germanice ? Verbum pro voce "Neuhochdeutsch" fingere nec audeo nec possum.
Fortasse tibi vox apta in mentem veniet. Si ita sit, vos certiores facias. Gratias praemitto.

Lingua Germanorum hodierna

[ThomasVulpius]

Fortasse: [puls nucellarum]

[marcus03]

Lingua Germanorum hodierna

Quod valde est dolendum, sed mutari non potest. Invitus hanc rem accipio.
Estne vox vere Germanica pro illa voce Anglica?
Proponam: Begeisterte "Nachahmungstäter" mit Hang zum Obszönen.

[ille ego qui]

equidem dixerim: nutella, quae dicitur

[marcus03]

Annuto
Nestle valde gaudeat nobisque gratias agat, quod hoc modo divulgationem NUTELLAE promoveamus pecuniam non poscentes.
An aliquid NUTELLAE gratuito ad forum mittendum exigamus?

[ThomasVulpius]

Salvete, coryphaei!

Gregem pedifollis Tremoniensem non feliciter certavisse, sed certamine principum/procerum a Bavaris victum esse fere omnes nostis, nisi forte vos taedet ludi pedifollici.

Propono igitur [certamen principum/procerum].

Quid vobis videatur, resciscere velim.

Bene valete et respondete!
Thomas Vulpius

[marcus03]

classis regia
classis optimorum quorumque (COQ)

[Tiberis]

classis optimorum quorumque (COQ)

equidem id parum Latine dictum esse arbitror. nam si dicimus "optimus quisque",iam de pluribus agitur: jeder beste / alle besten / gerade die besten eqs. itaque plurali non opus est.

[marcus03]

Gratias tibi, Tiberis. Rectissime dixisti, si de scriptoribus classicis agitur.
Tamen pluralis inveniri potest:
http://books.google.de/books/about/De_C ... -jP-SN19oC

[ThomasVulpius]

classis optimorum quorumque (COQ)

equidem id parum Latine dictum esse arbitror. nam si dicimus "optimus quisque",iam de pluribus agitur: jeder beste / alle besten / gerade die besten eqs. itaque plurali non opus est.

"proceres" iam significat "die Besten". Exempli gratia proferam "proceres eius artis", cf. Georges. Verbum classis mihi displicet. Propositum igitur meum adhuc optimum esse arbitror.

[ThomasVulpius]

Salvete, coryphaei!

Quod fere nullam medicaminum faciei femineae scientiam habeo, quomodo "Eyeliner" Latine dicatur, prorsus nescio.

Quis mihi auxilium feret?

Bene valete et interrogate vel uxores vel amasias vestras, quibus instrumentis oculos oblinant!

Thomas vester

[Zythophilus]

SALVE
Dubium non est, quin feminae iam tempore Romanorum oculos ornauerint. Ouidius (Ars III 203) eas "oculos tenui signare fauilla" (= Eyeliner verwenden) iussit.
Te diem Domini optime acturum oculosque, si libuerit, tenui fauilla signaturum spero.
VALE