LATINITAS VIVA

[marcus03]

"tentor"

[Tiberis]

spectator libidinosus

[ThomasVulpius]

[Insectator atque photographator hominum clarorum]

[durgicola]

hahae

[Laptop]

quinam rides?

[Tiberis]

"paparazzo" ut nomen proprium Latine reddere non possumus, nisi forte id, quod significat, pluribus exprimamus verbis. equidem proponere ausim: insidiator *imaginificus

[Medicus domesticus]

Non solum Latine loquamur, sed etiam Graece: *φωτογράφος ἐπίβουλος ...

[Zythophilus]

Id, quod quaeritur, ne Germanice quidem uno uerbo reddi potest, nam uerbum Germanicum non est. Etiam ii, qui Italice loquuntur, eo solum sensu translato utuntur, quia quoddam cognomen est. Nisi Fellinius*, cum de "Vita dulci" narraret, hominem eius nominis inuenisset, neque Itali neque alii eo uerbo uterentur.

* Cf. http://www.comedix.de/lexikon/db/agrippus_virus.php

[consus]

Equidem prorsus consentio cum Zythophilo nostro, tamen hoc mihi liceat proponere:

Ut "terrazzo" < "terraceus", ita "paparazzo" < "paparaceus", cf. http://www.etimo.it/?term=terrazzo&find=Cerca.

Quid ergo? Ital. paparazzo >> Lat. paparaceus.

[Zythophilus]

"Suetonius" mihi placeret, "Gellius" quoque.

[durgicola]

hahae Svetonius ... cur autem Vulpi ad voces seu sentias cerritas e linguis modernis in antiquas transferendas animum intendis?

[Zythophilus]

Cur animum miras intendit Vulpius ad res?

Cur placet herba boui? Cur mare piscis amat?

[ThomasVulpius]

Salvete, coryphaei!

Sunt, qui eius modi sententias, quas nos "Sentenzen" vocamus, in Latinum converti velint. Ea autem difficultas est, quod illi ipsi Latine nesciunt ob eamque causam eos adeunt, qui Latine sciunt. Quam autem difficile sit talia dicta brevia in Romanorum linguam apte convertere, nemo vestrum est qui nesciat.

Adiit me quidam, qui hoc enuntiatum in Latinum converti vult:

"Zwei Seelen, ein Gedanke. Zwei Herzen, ein Schlag."
At translatio ad verbum "Duae animae, unus sensus. Duo corda, unus cordis pulsus" satis inepta mihi esse videtur minimeque congruens cum Romanorum genere dicendi.

Faciatis me igitur certiorem, quomodo ea sententia aptius convertatur, ne ridiculus fiam translationem Soloecismorum plenam proponens!

Bene valete et respondete!
Thomas Vulpius

[SursumDeorsum]

Zwei Seelen, ein Gedanke: Animo coniuncti idem sentimus.

[Zythophilus]

Sunt duo corpora iis; animis mens una duabus;

per duo cor semper pectora pulsat idem.