LATINITAS VIVA

[ThomasVulpius]

Salvete, coryphaei!

Propono [subsidium studiosorum pecuniarium].

Quid vobis videatur, resciscere velim.

Bene valete et respondete!

Thomas vester

[RM]

Propono L.F.T.F.
Quod hoc sit, ipse invenias!

RM

[RM]

Abbreviatio BAFöG Theodisce est "BundesAusbildungsFÖrderungsGesetz" (videte: http://www.bafoeg.bmbf.de/de/204.php), ergo Latine dicendum est L(ex) F(oederata) T(irocinio) F(avendo)

RM

[consus]

Equidem hoc propono*:

lex foederis de adiuvanda iuventutis eruditione.

Series primarum litterarum supervacanea videtur esse.

Ut exemplum afferam:

Mein Freund wird durch das BAföG finanziell unterstützt > Amico meo pecunia ex lege foederis de adiuvanda eruditione tribuitur.

____________________________________
* lex de ... : cf. BS § 513 (4) Anm. 2 (p. 742).

[RM]

Nemo respondit? "Telephonum intelligens" appellandum minus puto, quod telephonum ipsum nihil intellegit (vel fortasse apud Britannos ... ). Magis mihi nomen "telephoni multipotentis" placeret. Quid dicitis?

RM

[RM]

L(ex) F(oederata) T(irocinio) F(avendo)

Corrigendum videtur: L(ex) F(oederalis) T(irocinio) F(avendo)

RM

[consus]

RM v. c. sal.
Scribis "L(ex)… T(irocinio) F(avendo)".
Haec verborum structura inusitata mihi videtur esse, idque ea de causa: Nonne verbum favendi verbum est intransitivum? Dici solet: favere alicui / alicui rei > favere tirocinio.
Quid igitur? Illud „favendo“ gerundium videtur esse dativo dictum finali, ex quo pendet res obiecta casu dativo “tirocinio” expressa. Verba ergo “lex tirocinio favendo” nullo modo comparari licet, ut exempla afferam, cum verbis “curator muris reficiundis”, “finibus regendis arbiter”, “decemviri stlitibus iudicandis”*. Apparet his locis gerundiva adhibita esse verborum transitivorum, ex quibus pendere solent res obiectae casu accusativo notatae: reficere muros, regere fines, iudicare stlites.
Tu quid sentis ea de re?
________________________________________________
* Cf. Cic. opt. gen. 19 / top. 43 / orat. 156 // KSt II 1, p. 748.

[ThomasVulpius]

Nemo respondit? "Telephonum intelligens" appellandum minus puto, quod telephonum ipsum nihil intellegit (vel fortasse apud Britannos ... ). Magis mihi nomen "telephoni multipotentis" placeret. Quid dicitis?

RM

Quid hoc instrumento effici possit, ne Germanice quidem intellego. Quid inter "Handy" et "Smartphone" intersit, prorsus nescio.

[marcus03]

https://de.wikipedia.org/wiki/Smartphone

Quod "handy classicum" vocatur, propropro...avus telephoni multipotentis est.

[ThomasVulpius]

Salvete, coryphaei!

Propono [geminos ex uno ovo oriundos].

Quid vobis videatur, resciscere velim.

Valete et respondete!

Thomas vester

[ThomasVulpius]

https://de.wikipedia.org/wiki/Smartphone

Quod "handy classicum" vocatur, propropro...avus telephoni multipotentis est.

Eo animus adductus est meus, ut id instrumentum *smartophonium vocare ausus sim. Difficillimum enim est res technicas apte exprimere. Proponetne aliquis verbum melius?

[consus]

Amicis suis rerum grammaticarum peritissimis sal.
RM scribit "L(ex)… T(irocinio) F(avendo)". Quae verba a sermonis Latini consuetudine aliena esse censeo. Equidem doleo quod nullum adhuc responsum tuli a sodali nostro. Qua de causa nunc et ceteros amicos doctissimos interrogo quid illa de re sentiant.
Valete.

[marcus03]

eiusdem ovi gemini ?

[marcus03]

telephoniulum summae virtutis (="Hochleistungshandy")

[Medicus domesticus]

Nos medici dicimus --> gemini monozygotici