LATINITAS VIVA

[ThomasVulpius]

Salvete, coryphaei!

Propono: *epiplopōlēum < [τὸ *ἐπιπλοπωλεῖον]

Quid vobis videatur, resciscere velim.

Bene valete et respondete!

Thomas vester

[consus]

Nescio an tibi haec placeant vocabula:

taberna supellecticaria / emporium supellecticarium

supellecticarius] i. e. ad supellectilem pertinens (Forcellini s.v.), cf. D. 33, 7, 12, 31.

[ille ego qui]

supellectiles

mecum ipse quaero, num numerus singularis praeferendus sit ... hem ...

[consus]

...De verbo supellecticarii incertus sum, nam haec in lexico c.n. Georges invenio:

supellecticarius, ii, m. (supellex), der Aufseher über das Hausgerät, Plur. bei Ulp. dig. 33, 7, 12. § 31.

Ita quidem est, sed nescio an utilis sit haec analogia:
Ut
vinarius (adiect.) = ad vinum pertinens - taberna vinaria / vinarius (substant.) = is qui vina vendit,
ita
supellecticarius (adiect.) = ad supellectilem pertinens - taberna supellecticaria / supellecticarius (substant., apud Ulpianum iuris consultum) = is cui supellex est curae.

[Medicus domesticus]

In interrete inspexi Lewis/Short:
http://tinyurl.com/om2f3xz

[ThomasVulpius]

Salvete, coryphaei!

Cuidam amico placuit: *pertundiculum.

Quid vobis videatur, resciscere velim.

Bene valete et numerate dies usque ad finem mundi! Nam rupes *asteroides nomine "Apophis" huic mundo appropinquat.

Thomas vester, astronomus

[ThomasVulpius]

Salvete, coryphaei!

Propono:
porticus et transitio, ubi tabernae sunt.
transitiones, ubi tabernae sunt.
iani, ubi tabernae sunt.

Bene valete et in transitionibus, ubi tabernae sunt, quam plurimas res emite ante quam rupes *asteroides nomine "Apophis" de caelo in hunc mundum decidit!

Thomas vester, astronomus

[Tiberis]

emporium transitorium
tabernae transitoriae

[ThomasVulpius]

emporium transitorium
tabernae transitoriae

Ea, quae proposuisti, magnopere mihi placet.

[consus]

Placet verbum pertundendi.
Forsitan tibi probetur etiam pertusura.
Ut apud Plinium (nat. 28, 188) labrorum fissurae, ita etiam labrorum / linguarum / nasorum / aurium / umbilicorum / membrorum genitalium pertusurae.

[durgicola]

Salvete Larvicipes!

Quomodo Mythbusters latine seu graece dicatur resciscere velim

Respondete!

[consus]

Mirum illud vocabulum Anglicum, optime Durgicola, usque ad hunc diem prorsus ignorabam, quod oro te ne habeas probro. Utcumque res se habet: nescio an tibi placeat μυθομωμητής.
(Notum tibi esse puto Palaephati opusculum quod inscribitur Περὶ ἀπίστων ἱστοριῶν. Cf. aenigma a me hodie, id est a. d. XII Kal. Febr., propositum.)
Latine: fabularum existimatores.

[ThomasVulpius]

Verbum Britannicum "to bust" "exstinguere" significat.

Dicendumst igitur: [fabularum exstinctores] sive Graece:
οἱ *μῡϑοδιαφϑορῆς

[consus]

...οἱ *μῡϑοδιαφϑορῆς

Nescio an tibi placeat et vocabulum quo Thucydides (4, 83, 5) utitur: „καθαιρέτης“. Quid ergo obstat quin dicamus „οἱ *μυθοκαθαιρέται“?

[ThomasVulpius]

...οἱ *μῡϑοδιαφϑορῆς

Nescio an tibi placeat et vocabulum quo Thucydides (4, 83, 5) utitur: „καθαιρέτης“. Quid ergo obstat quin dicamus „οἱ *μυθοκαθαιρέται“?

Nihil obstat! Immo vero perplacet! Litteris consignavi et in lexicon meum Graecum inserui! Gratias! Dea Durga a perpetuo redincarnationum circulo liberet!