LATINITAS VIVA

[rebamarvin]

Vt Deus hac sancta bona deferat omnia nocte
uobis sintque, precor, gaudia paxque patris.

[Zythophilus]

Miror quid "rebamarvin" illo disticho sumpto dicere uelit.

[ThomasVulpius]

Miror quid "rebamarvin" illo disticho sumpto dicere uelit.

Id distichon magis ad eum comētēn, qui apparuit, cum tres viri sapientes, ex oriente oriundi, stabulo Iesu appropinqurent, pertinere videtur.

[Medicus domesticus]

Salvete,
Felix noster, qui civis Berchtesgadensis est , heri Olympia vicit.
Quomodo "Rennrodeln"/"Rodler" Latine dicatur, quaeritur.
Quas voces vos proponitis?
Optime valete!

[Tiberis]

salve, Medice!

ea res, quae lingua nostra "schlitten" appellatur, Latine verbo trah(e)ae reddi solet. "rodel" autem quid est nisi trahea parva vel trahella ? ergo eum, qui trahella vehitur, trahellarium appellandum esse censeo, vel "trahellarium currentem" (rennrodler)

[Medicus domesticus]

Salve Tiberis,
trahella, trahellarius ...placet!
"res bene tibi eveniat" ...non solum Felici nostro optavi, sed etiam opto trahellariae magnificae nomine "Natalie Geisenberger".
Vale.

[Zythophilus]

Hercle, placet Bauaris delabi monte gelato

et trahea celeri praecipites cito eunt.

Si quid, cum peterent ualles, euenerit, imas,

ossa regit medicus membraque laesa suit.

[ThomasVulpius]

Salvete, coryphaei!

Quamquam, quomodo "Grufties" se gerant, sat bene scio, tamen hanc vocem Latine dicere nescio.

Qui hunc vivendi modum sequuntur, ii vestimenta nigra gerere, cinerāceā offuciā faciem oblinere, in cometeriis versari animoque fingere, quam bonum sive potius "romantisch" sit, mortuum esse (quamvis re vera mori nolint), solent.

Quomodo illud hominum genus Latine vocari possit, resciscere velim.

Bene valete et respondete!

Thomas vester, novorum verborum compositor

[ThomasVulpius]

Salvete, coryphaei!

Hoc exprimere volo: "Grufties sind romantisch in den Tod verliebt."

Quomodo "romantisch" Latine dicatur, resciscere velim.

Bene valete et respondete!

Thomas vester, verborum novorum compositor

[ThomasVulpius]

*trahellārius igitur est "Bobfahrer".

Ea verba, quae proposueratis, litteris consignavi et in lexica mea inserui.

Vivunt, crescunt, florent lexica mea!

Gratias!

[ille ego qui]

equidem amice, verbum istud Germanicum ita adhibere soleo, ut sive "senem decrepitum" sive "silicernium" significet

vale.

[ille ego qui]

re diligentius considerata mihi ea verba in mentem venerunt, quibus Romani vestem lugubrem appellaverunt:

homines togis pullis induti ... homines sordibus induti ...

[Medicus domesticus]

Cave canem montanum, Vulpi..
"Rodler" non est similis "Bobfahrer".
Novum vocabulum inveniendum est....

[Medicus domesticus]

Nunc philologis est ... agedum..

[ThomasVulpius]

Cave canem montanum, Vulpi..
"Rodler" non est similis "Bobfahrer".
Novum vocabulum inveniendum est....

Earum rerum, quae ad corporis exercitationem spectant, scientiam habeo prorsus nullam.