LATINITAS VIVA

[ThomasVulpius]

Hercle! Te ipsum nescio qua de causa in uincula coniecturum iri paene putaui.

Non ita est! Sed ea - scis, quam nominem - anno MMVIII me interficere conata est.

[ThomasVulpius]

Salvete, coryphaei!

Propono: *conarcalis (m., f.)
arca, ae f. enge Gefangenenzelle, "Box".

Quid vobis videatur, resciscere velim.

Bene valete et respondete!

Thomas vester

[ThomasVulpius]

Salvete, coryphaei!

Propono [copida *Iaponicam].

Quid vobis videatur, resciscere velim.

Bene valete et respondete!

Thomas vester

[ThomasVulpius]

sicarius Mafiae
Cf. "sicarius (der Meuchelmörder, der aus dem Morden ein Handwerk macht)"

Vox sicarii quoque placet. Gratias!

[ille ego qui]

socius cellae (arcae?)

[ThomasVulpius]

Salvete, coryphaei!

Propono: [Aliquem bis in mense inter dimidiam et dodrantem horam visere propinquis licet]
"Den Angehörigen ist es erlaubt irgendjemanden zweimal im Monat zwischen einer halben und einer dreiviertel Stunde zu besuchen."

Hoc dicere velim:

Haec est sevēritās custōdiae, ut fēminās cōnscelerātissimās, quae prō ūsū vehiculōrum pūblicōrum nōn solverint, propinquīs vix adīre liceat. Nam līber omnium locōrum aditus introitū captīvae in carcerem clausus (cf. CIC. Verr. II 4,116) atque obserātus est. Familiāribus enim et cōnsanguineīs permittitur, (cf. MBS § 526,h) ut fēminās captīvās bis in mense inter dīmidiam et dōdrantem hōram vīsant. Neque cum salūtant neque cum valedīcunt, captīvās amplectī cōnsanguineīs licet et līberī flentēs ē complexū mātrum ā dūrīs custōdiāriīs removentur et ē carcere exterminantur, cum vīsitātōrēs tam scelerātī, tam nefāriī, tam improbī tamque impūrī quam captīvae ipsae esse videantur.

Sed reliquum custōdiae tempus captīvae nōn sōlum ā propinquīs sēgregātae vērum etiam ab omnī spē dērelictae sunt et magnīs cūrīs cōnfectae diem noctemque cum tribus aliīs in arcīs angustissimīs, quārum forēs ferreae obicibus obserātae sunt, inclūsae sunt et oculōs aut in vitra fenestrārum lactea, quārum exteriōrēs partēs clātātrae sunt, aut in parietum laterēs nūllō fūcō nisī *nicōtīnī vapōre obductōs dēfīgunt et magnō maerōre animīque excruciātū afficiuntur, dum ad miseriās īgnōminiāsque patiendās sēsē nātās esse cognōscunt sēque in locum servārum prōiciunt, (cf. KSt II 378,7a) ut ātrī carcerum mūrī fēminārum innocentium atque ab omnī sceleris genere pūrārum lacrimīs dēspērātiōnis animīque dēmissiōnis redundent. (cf. CIC. Verr. II 4,116)

Quō fit, ut nōnnūllae captīvae, quārum animī hīs rēbus frāctae sint, ē carceribus ēmissae vīvendī voluntāte sublātā mortem sibī cōnscīscant. Hōc modō fēminās miserās pauperēsque, quae reī pūblicae, cum parum (cf. RHH § 130,4) vectīgālium solvant, ūsuī nōn sunt, interimimus.

Sed mulierēs condemnātae, cum ē carcere ēmissae et īgnōminiae dēdecorīque superstitēs erunt, propter poenam priōrem mūnus nōn iam accipient et pūblicē alentur. Et quoniam initiō mēnsis tam parvam ab eranō pecūniam accipient, ut mēnse ad fīnem vergente cibōs emere vix iam possint, tesserīs nōn ēmptīs iterum vehiculīs pūblicīs vehentur. Cum autem tesserās nōn habentēs ab īnspectōribus tesserārum offēnsae erunt, (cf. CIC. nat. deor. 1,15) in iūs vocābuntur et sine vindice, quod pecūnia ad vindicem ascīscendum sibī deest, eō vehementius pūnientur et, cum hoc scelus saepius commīserint, fierī poterit, ut complūrēs annōs in carcere versārī dēbeant.

Ita fit, ut fēminās, quae semel in carcere atque vinculīs fuerint, corporibus quaestum facere et pecuniā acceptā cum quibuslibet virīs concumbere oporteat.

Sed quoniam in Germāniā multae meretrīcēs extrāneae, quae et iuvenes et pulchrae sunt, versantur, cum scortīs Germānicīs et adultīs, quae plūrēs quam trīgintā annōs nātae sunt, vix quisquam vir concumbere vult nisī tegumentō mentulae omissō, quod virī mentulā tegumentō obductā bonum sēsē habēre concubitūs sēnsum negāre solent. Afficientur igitur saepissimē captīvae Germānicae post carceris ēmissiōnem eō morbō, quō valētūdinis integritās dēbilitātur.

[marcus03]

Qui tuas quaestiones novissimas legerit, te aut e carcere scribere aut desiderio carceris esse affectum putet .

[SursumDeorsum]

socius cellae (arcae?)

Istud quidem maxime probandum est! Hispanienses dicere solent compañero de celda, quod Latine potissimum verbo socii cellae, ut Ille noster praeclarissime facit, verti potest.

[marcus03]

Hispanienses dicere solent compañero de celda,

Carceres Hispanienses optime nosse videris. Socius cellae an visitator ?

[ThomasVulpius]

Qui tuas quaestiones novissimas legerit, te aut e carcere scribere aut desiderio carceris esse affectum putet .

Dē fēminīs captīvīs semper locūtus sum. Sumne fēmina?
Ūta, domnātrīx mea nova, īnsōns fraudis condemnāta est et sex hebdomadas [accūsātīvus Graecus!] in carcere versārī dēbuit.
Atque sunt, quī mē perturbātiōne animī histriōnicā laborāre dīcant. Eius modī hominēs rēs mīrās excōgitant aliīsque narrant, ut iī animōs in sē convertant.
Interrogā Chrīstiānum nostrum, quī ipse sē "ille egō quī" nōminat! Is in dubiō semper versātur, utrum rēs vērās an fictās prōposuerim, e.g.:
Mūrēs porcellōs coniūrātiōnem contrā olerum cellāria fēcisse; scapham meam folliculōsam anguīllārum plēnam esse; Godzillam, dracōnem gigantēum, omnibus Iapōniae officīnīs *nucleāribus comēsīs Italiam petere, ut ignī, quem ex ōre prōvomat, Vāticānum in fūmum atque cinerem vertat ruīnāsque conculcet; Hungaricē numerāre esse in perversīs; in ultimā Thūlē sāgam Nortmannōrum noctū in silvīs nūdam pervagārī sēque omnibus, quī deum Odin adōrent, ad futuendum praebēre; *abstrāctrīcem vīrium mentis (Germānicē: Astralvampir) mē sescentōs iam annōs īnsequī omnēsque vītās meās magīā Āfricae ātrā (Germānicē: Voodoo) gravibus cāsibus afficere atque in ruīnās vertere; mulierem veterem atque aegrōtam, cum gravī atque diūtinō morbō mortua sit, domī meae lārvam (Germānicē: als Poltergeist) affore; fatiloquam chartīs vīdisse mē esse repraesentātiōnem (Germānicē: Inkarnation) Indōrum deī Śivae... eqs.

[ThomasVulpius]

Salvete, coryphaei!

Propono: [ludum custodiarium].

Quid vobis videatur, resciscere velim.

Bene valete et ante respondete quam insontes condemnati a vigilibus publicis comprehendimini et in carcerem atque vincla conicimini!

[marcus03]

Quid vox "JVA-Spielchen" sibi vult ?

[SursumDeorsum]

Usus et consuetudo

[Zythophilus]

Quin alios ludos solitus sit Vulpius ac tu

ludere, non dubito. Quos, bone Marce, caue!

[marcus03]

Tu quidem,felix Austriace, metris ludere numquam desinas ! Carminibus tuis et carceris muros facile labefactes. Fieri enim non potest, ut illi ridere non incipiant nec collabantur.