LATINITAS VIVA

[Tiberis]

ī, quibus ūsus linguae Graecae displicet, hāc vōce ūtantur:
[taberna Batāva, ubī medicāmenta *stupefactīva vēneunt]

displicent illius generis verba , non ut Graeca, sed propterea, quod immania sunt et monstruosa.
nescio an multo brevius ac simplicius id reddere possimus:
> cannabipolium
vel: taberna *cannabiaria

[ille ego qui]

Tibere locuto quin sit causa iam finita, quis dubitabit?

[ThomasVulpius]

displicent illius generis verba , non ut Graeca, sed propterea, quod immania sunt et monstruosa.
nescio an multo brevius ac simplicius id reddere possimus:
*cannabipolium
vel: taberna *cannabiaria

Ea verba, quae tu prōposuisti, mihi adeō placent, ut meō ipsius propositō nōn utar, sed tuis propositis, imprimis *cannabipolīō.
Huc accedit, quod in talibus tabernis non "drogae" omnis generis veneunt, sed solae leves, quae dicuntur, ut *cannabis.
Ego verba monstruosa ob eam causam fingere amo, quod, cum studiosos essem, comoediae Aristophanis legendae mihi erant, qui talibus verborum monstris interdum utitur.

[Ioscius]

Ea est difficultas, ut semper id curemus, ut in Latine reddendo quam accuratissime et diligintissime agamus. Propositum laudandum est. Sed nonne acuta sunt ea verba, quae sunt brevia et facilia memorae mandatu? Nihil graviter ferimus "Geisterfahrer" non esse larvam curru vehentem. "Briefmarken" affiguntur non solas ad epistulas, sed etiam ad fasces.
Si assidue id curamus, ut aliquam rem novam pluribus verbis explanemus vel exponamus, eam rem accurate in Latinum non convertimus, sed linguam Latinam facimus mortuam, quod nemo est, qui eas res compluribus verbis circumscriptas memoriae tradere possit.
Nonne id verbum Coffee-Shop est tam facile memoriae mandatu et abundat sale et facetiis, quod significat tabernam, in quo venit coffea?

Marce, menda mea correxi et emendavi. Gratias.

[marcus03]

explanemus/exponamus ?
in quo venit coffea ?

[Zythophilus]

Hortor, Marce, quiete uti fruaris
et tectus tenebris petas tabernam,
ut fumo tibi dante sit uenenum.

[ThomasVulpius]

Ea est difficultas, ut semper id curemus, ut in Latine reddendo quam accuratissime et diligintissime agamus. Propositum laudandum est. Sed nonne acuta sunt ea verba, quae sunt brevia et facilia memorae mandatu? Nihil graviter ferimus "Geisterfahrer" non esse larvam curru vehentem. "Briefmarken" affiguntur non solas ad epistulas, sed etiam ad fasces.

Nonne de his rebus iam disputavimus?
"Geisterfahrer" [vector adversus] est.
"Briefmarke" [pittacium cursuale] est.

[ThomasVulpius]

Nonne sermo "Gerede" quoque est? "Sermo carcerarius" "Gerede im Gefängnis", i.d. quomodo captivi captivaeque loquantur. Eorum enim voces habent proprias significationes, ut "sapone labi" ("auf der Seife ausrutschen").

[ThomasVulpius]

Salvete, coryphaei!

Vox "cingarae" aliis lexicis proponitur, "hamaxobia" aliis.

Verbum Graecum - sicut meus est mos - praetulerim.

Quid vobis videatur, resciscere velim.

Bene valete et respondete!

Thomas vester

[Tiberis]

sunt duo nomina Graeca eius gentis, quae ipsorum lingua Roma appellatur : Aigyptioi (cf. gypsie, gitane..) et Athinganoi (cf. cigány, zingaro eqs), a quo nomine Graeci nostris temporibus Tsiganos eos appellant.
ob eam rem proponere ausim: tsigana

[RM]

Lexicon Auxiliare continet: Aegyptius, Aegyptiacus, Zingarus, Cingarus, Zigeunus, Zygenus.

RM

[Tiberis]

Zigeunus

ioco remoto : nonne parum, quin etiam minime Latine dictum ?

[ThomasVulpius]

Salvi senes omnesque, qui senes aliquando esse velint, sint!

Senes, quorum crura munere male funguntur, "Gehwägelchen" saepe utuntur.

Quomodo haec vox Latine exprimatur, resciscere velim.

Bene valete et ante respondete quam senectute mortui eritis!

[ThomasVulpius]

Salvete, patinārii!

Iterum verbum Graecum propono: [*escharītopōlīum Italicum] < [τὸ Ἰταλιϰὸν *ἐσχαρῑτοπωλεῖον].

Quid vobis videatur, resciscere velim.

Bene valete et ante respondete quam multis *escharītopōlīīs comesis dirumpimini!

Opto vos bene cenare.

Thomas vester, *ἐσχαρῑτοφαγέσωρος (cōmēsor scriblītārum Italicārum)

[marcus03]

"liberna" (< libum+taberna)

Illi mures, quibuscum his in casibus .... interire malle soles, iam profecti sunt libernam petitum libaque deliciose exornata tecum gustatum.