LATINITAS VIVA

[ille ego qui]

nonne -arius eum plerumque significat, qui rem fabricat aut alio modo cum ea per professionem coniunctus est?

[marcus03]

Nihil nisi iocari iterum volui.

[ThomasVulpius]

... tamen velim, amice, enodes!

Quid gratius tibi facere possum, amice?

τὸ *πλατυ - πλακουντο - πώλιον

πλατύς, εῖα, ύ latus, amplus, late evagans; cf. Theod. 'platt', 'Fladen'.

πλακοῦς, οῦντος, ὁ placenta

πωλέω vendo, vendito

Cf. πλακουντο-ποιός, ὁ placentarius

Nescio an Aristophanes illo vocabulo audito modice subrisisset.

Χάριν μεγίστην σοι ἔχω, ὅτι ϰαινὴν λέξιν συνέϑηϰας ἑλληνιστί.
Grātiās tibī agō maximās, quod novam vōcem cōnfēcistī Graecē.

[marcus03]

Insanus proponit:

castra in silva vetustissima sita

[ThomasVulpius]

Salvete, amici utriusque linguae!

Has voces composui:

[ὁ *πλατυπλαϰουντοποιός]

[placentārius scriblītārum Italicārum]

Bene valete!

[ThomasVulpius]

satin' sanus?

De hac voce pluribus verbis iam disputavimus!

satin´ sanus? = Geht´s noch?

Hoc memento me omnes elocutiones statim litteris mandare et schedulas conscriptas in lexicon meum inserere!

[ille ego qui]

accepta voce tabernae scribliariae non poteris, quin appelles scriblitarium

[ThomasVulpius]

rem nomine aut Latino aut Graeco dignam esse prorsus nego!

Homō sum - perversus scīlicet! Nihil perversī ā mē aliēnum esse putō - nē campum tropicum quidem!

Hīc, hīc, sunt in nostrō numerō, Quirītēs, quī sē amīcitiā cum eīs fēminīs sōlīs, quae et perturbātiōne animī multārum persōnārum labōrant (Germānicē: "multiple Persönlichkeitsstörung") et semel vel saepius in carcere atque vinclīs fuērunt, coniungere solent. Atque etiam cum eīs fēminīs animō perturbātīs et iam anteā pūnītīs (Germānicē: "vorbestraft") in lūdīs carcerāriīs - quī lūdī sine dubiō veneriī sunt - versantur! Īdem ad deam Durgam adōrandam ēnūntiātīs Sānscriticīs notant et dēsīgnant unumquemque nostrum. Illī ipsī fēminae veteris atque aegrōtae, cum gravī atque diūtinō morbō mortua sit, lārvam in aedibus suīs affore et rēs dēpulsūram et aliīs locīs atque anteā positūram esse fīdenter sānē contendunt. Atque etiam armāriōrum forēs et apertum et clausum īrī. Quid dīcam dē sāgā Nortmannōrum, quae noctū in silvīs nūda pervagētur, et dē Marīnō, rēge Dacorōmāniae castō atque Chrīstiānō, quī omnēs fēminās Dacorōmānās in rēbus impudīcīs versārī vetuerit? Ad hanc eōs āmentiam nātūra peperit, voluntās exercuit, fortūna servāvit. Ō tempora! Ō mūrēs! Cupiō, Quirītēs, mē esse iēiūnum. Cupiō mē in tantīs lactūcae acervīs nōn obēsum vidērī, sed mē ipse iam edācitātis vorācitātisque condemnō. Nē scapha mea folliculōsa quidem anguīllārum plēna est neque iam Hungāricē numerō. Ubīque nunc hominēs somniantēs itinera per loca ulteriōra faciunt, ut, cuius deae ea fēmina, quam amem, incarnātiō vel repraesentātiō vel dēscēnsiō sit, rescīscant. Quod sī Franciscus, pontifex maximus, scīret, mucrōne *Iapōnicō ventrem dissecandō mortem sibī cōnscīsceret, ut proximum pontificem fore aliquem, quī Latīnē scīret, spem haberēmus.

[consus]

Addendum.
Sunt qui verbum Italicum „pizza“ quodam modo ductum esse putent a pinsendo. Nonne ergo eum qui eam rem farina depsta in orbem pinsit coquit venditatque etiam pistorem nobis licet appellare?

[consus]

Itane? Per me quidem licebit, sed in mea maneo sententia*.

_______________________________________________
* Si res postulabit aptius erit dicere *deambulatrum subrotatum.

[ThomasVulpius]

accepta voce tabernae scribliariae non poteris, quin appelles scriblitarium

Vox scriblitarii et Pizzabäcker et Pizzaverkäufer significet!

[ille ego qui]

estne certa causa, cur tam subtiliter distinguere velis?

[ThomasVulpius]

estne certa causa, cur tam subtiliter distinguere velis?

Una est causa et semper eadem: Omnes vitae cottidianae res Latine exprimere velim. De quibus rebus narrationes Latine conscribere scirem, ex litteris privatis, quas ad te dederam, cognosti.

[ille ego qui]

nihil aegre ferendum esse censeo nullas linguas nusquam esse ambiguas. nisi res verborumque conextus ipse distinctionem subtiliorem postulabit, non erit, quod nimis cures ...

[ThomasVulpius]

Salvete, coryphaei!

Propono: [calamitatem *apombrotēricam].

[ὁ *ἀπομϐροτήρ] "Gerät zum Fernhalten des Regens", Regenschirm

Quid vobis videatur, resciscere velim.

Si quis vestrum, quid haec vox sibi velit, miretur, exspectato, dum narrationem iocosam atque insulsam de ea calamitate hoc loco publicavero.

Neque Christianum nostrum, qui quasi cogitationes meas cognoscere potest, fūgit id commentariolum de ea, quam nominatim appellari fas non est, fore.

Bene valete et respondete!

Thomas vester