LATINITAS VIVA

[consus]

"Regenschirmeklat"

Hercle! Quid hoc sibi vult, o Vulpi? Ingeniose, νὴ τὸν κύνα, non solum Graeca et Latina vocabula comminisceris, sed etiam Theodisca...

[ThomasVulpius]

Salvete, coryphaei!

Propono: [zōnam creperam].

Quid vobis videatur, resciscere velim.

Bene valete et ante respondete quam advesperascit! Tum enim sanguisugi e capsulis surgent omniumque, qui Britannice quam Latine loqui malunt, sanguinem bibent. Vult enim Vlad Tepez, princeps sanguisugorum, omnīs homines Latine loqui.

[marcus03]

Iamdudum hoc sub-forum mihi quaedam zona crepera facta videtur, quae tuis quaestionibus in dies etiam creperior fit. Timeo, ne omnia lumina mox exstinguantur nosque totis in tenebris sedeamus.

[ThomasVulpius]

Iamdudum hoc sub-forum mihi quaedam zona crepera facta videtur, quae tuis quaestionibus in dies etiam creperior fit. Timeo, ne omnia lumina mox exstinguantur nosque totis in tenebris sedeamus.

Ut tenebras efficiam, anulum quendam gero.
Unus anulus ad ad omnes regendos, unus ad omnes reperiendos.
Unus anulus ad omnes et in tenebras et in vincla coniciendos.
In terrā Mordor, quae umbrā operta est.

[marcus03]

In terrā Mordor, quae umbrā operta est.

Mordeturne quoque in illa terra ? "Ubi mordetur, ibi patria", ait masochistus .

[ThomasVulpius]

Mordeturne quoque in illa terra ? "Ubi mordetur, ibi patria", ait masochistus .

Ego, quippe qui Graeculus sim, "masochistum" *ἀλγοπαϑολάγνην vocare soleo.

[ThomasVulpius]

Salvete, coryphaei!

Ciborum nomina mihi omnino ignota sunt.

Roberte, archimagīre, auxilium fer!

Bene valete et "Falafel" comedite!

Thomas vester, comesor "Falafel"

[ille ego qui]

cibus inutilissimus num proprii nominis indiget? ; ))

[ille ego qui]

m: -istes/-ista
f: -istria

ut patet e nominibus sophistae et sophistriae

[Zythophilus]

Suadeo, ut cicer pistum dicas.

[ThomasVulpius]

Salvete, astronautae!

Propono [castellum *spatiale].

Quid vobis videatur, resciscere velim.

Bene valete et cavete, ne mundus vester ab eo castello *spatiale, quod "stella mortifera" nominatur, magnis armis lucidis destruatur!

Vis vobiscum sit!

Thomas vester, eques *Iedicus

[ThomasVulpius]

m: -istes/-ista
f: -istria

ut patet e nominibus sophistae et sophistriae

τὸ ἄλγος dolor
τὸ πάϑος toleratio
ὁ λάγνης is, qui libidinosus est

[ThomasVulpius]

Suadeo, ut cicer pistum dicas.

Gratias tibi ago! Faciam. Sed nunc mihi ad *thermopolium proficiscendumst, ut cicera pista comedam.

[iurisconsultus]

http://de.pons.com/%C3%BCbersetzung/deu ... aumstation
http://de.wiktionary.org/wiki/statio_si ... 8Latein.29:
statio cosmica (munita)
statio spatialis (munita)
statio sideralis (munita)

[consus]

... *thermopolium ...

Asteriscus hoc loco supervacaneus videtur esse, cf. L&S s.v. thermopolium. Nihilo minus spero te famem optime expleturum esse.