LATINITAS VIVA

[ThomasVulpius]

Salvete, coryphaei!

Cuidam, qui in grege linguae Latinae *prosopobiblico versatur, placuit: [harpastum *Americanum].

Quid vobis videatur, resciscere velim.

Bene valete et respondete!

Thomas vester, rerum cottidianarum spectator

[ille ego qui]

pedifollium americanum. dixerit quispiam nihil illud habere cum pedibus. sit ita sane, sed quid habet prosopobiblion cum libris?

[marcus03]

sed quid habet prosopobiblion cum libris?

In prosopobiblio vitam quorundam aliorum contemporalium nimia levitate ut librum legere potes.

[ille ego qui]

sunt quidam libri omnibus hominibus graviores

[ille ego qui]

praeterea "american football" apud Americanos id est quod Europaeo "football" sive "pedifollio" multis ex partibus respondeat. quod autem vox pedifolli iamdudum in usum communem recepta est, quid est, cur rem sine necessitate neque ulla re cogente difficiliorem faciamus

[ThomasVulpius]

Eam elocutionem femina Americana in grege quodam *prosopobiblico proposuit.

[ille ego qui]

mulieres Americanae semper, credo, audiendae sunt

[ThomasVulpius]

Salvete, corpyhaei!

Quod feminis, qui custodiā tenebuntur, voluntariis carcerem adire vestimentaque sua afferre licet, quaedam captivae, quibus in animost cum custodiariis concumbere, vestimenta pellācia (Germanice: Reizwäsche) secum habent, inter alia tibiālia *nylonica coloris carnis.

Quid vobis videatur, resciscere velim!

Bene valete et cavete, ne uxores vestrae, cum ad carcerem proficiscantur, vestimenta pellācia eo afferant!

Thomas vester, investigator rerum carcerāriārum.

[ThomasVulpius]

Salvete, coryphaei!

Propono [vestimenta pellācia].

Bene valete et respondete!

Thomas vester, investigator rerum carcerāriārum.

[ThomasVulpius]

Salvete, coryphaei!

Instrumentum ipsum: [pila clāvāria].

Ludus: [ludus *piliclāvārius].

Bene valete et respondete!

Thomas vester

[ille ego qui]

nova verba me doces, o Thoma: pellâx, pellâcis ... utilissimum sane verbum!

[romane]

delicata vestis

[consus]

Pro sancta Stimula!

Nescio an huic deae placeant haec verba:

vestimenta stimulosa

[Zythophilus]

Cum "pellacia" ab adiectiuo "pellax" deducta sit, tamen adiectiuo uti non possumus, ut id, quod Vulpius uoluerit, dicamus.
An Vlixes pellax (Aen. II 90) "Odysseus in Reizwäsche" est?

[ille ego qui]

attamen verisimile mihi videtur vim quasi fundamentalem ("grundbedeutung") esse hanc: "ad pelliciendum propensus/idoneus".
utcumque: nonne vox est satis insolenter conformata? cf.:

effic-ax
ed-ax
pertin-ax
cap-ax
rap-ax

quibus verbis consideratis potius a "pellendo" ductum putes quam a "pelliciendo" ...
valete.