LATINITAS VIVA

[ille ego qui]

cur vox operarum tibi improbatur, Roberte?

[RM]

Quia haud bene intellegitur.

Posset autem etiam consiliarius/consiliator socialis dici.

RM

[ille ego qui]

Posset autem etiam consiliarius/consiliator socialis dici.

potest quidem, sed etiam apud Tullium operarum nomine homines opus aliquod mercede facientes significari possunt. neque ille timuisse videtur, ne parum intellegeretur. quam ob rem haud ita male habere arbitror

[RM]

Cicero autem hoc verbo certis contextibus tantum utitur, ubi pro hominibus adhibetur sive adhiberi intellegitur, e. g. "Vis absit, ferrum ac lapides removeantur, operae facessant, servitia sileant;" et "operarum illa concursatio nocturna non a te ipso instituta me frumentum flagitabat?". Est autem ibi minime libera expressio, sed dictum, ut ita dicam, contextuale. Maiore locorum numero "opera" id esse videtur, quod nos fortasse Anglico vocabulo "job" diceremus - etiam apud Ciceronem.

RM

[ille ego qui]

sit ita sane*, sed vix dubito, quin etiam ex eis contextibus, quibus Vulpius noster uti cogitet, satis facile intellegi possit agi de hominibus. sin autem aliter, ne ego quidem suadeam, ut verbo operarum utatur


_______
*quaerendum est, quid intersit inter opus 'Job' et operam 'Job' ...

[RM]

Iis saltem locis, quos apud Ciceronem vidi, vocabulo "operae" cum utitur, operas magni aestimare non videtur. Neque vero operarios magni aestimabat, saltem eos homines animatos esse sciebat ...

RM

P.S.: "opera" est "Job", "opus" magis ad effectum spectat.

[ThomasVulpius]

Gratiae agendae sunt medicis!
Nunc novum de Utae custodiā commentariolum conscripturus sum. Quo in commentariolo medicāmentorum *benzodiazepīnorum mentio fiet.
Quo supensiores exspectatione animi vestri sint, hoc demonstro: Utae ipsi, captivae nostrae Iudaeae, ea medicamenta praebita sunt.
Qua re hoc factum sit, nemo scit nisi ego ipse, qui vos de eis rebus, quae in feminarum carceribus fiunt, certiores faciam - nudā et simplici veritate utens.
Si qua res commenticia est, vos ipsi hoc facile perspicietis: Versipelles ex Dacromaniā huc venerunt, ut... Ea res non facta, sed ficta est.
Sed eius modi res factae nec fictae sunt: "Cum cena vespertina feminis captivis praebebatur, quaedam captivae tegumenta mentulae accipiebant. Tum mediā nocte arcae fores illegitime aperiebantur et ..." (Reliqua iuvenibus apta non sunt).
Equidem non semper in iocis insulsis versor, sed interdum commentariola ad veritatem redigo.
Qua re id faciam, fortasse requiritis. Nescio, sed fieri sentio et gaudeo. Nam interdum diurnarius esse volo.

[ThomasVulpius]

Salvete, coryphaei!

Propono:
[Feminae in catasta deambulantes lepida vestimenta ostendunt.]

[RM]

"scaenula felina"

RM

[ille ego qui]

scaenula felina

fateor mihi quoque istud genus interpretationis ut iocosius aliquando arridere. risum quondam mihi movit Gerhardus Fringilla (Gerhard Fink), cum verbum "cocktail" Latine reddidit nomine gallicaudae
(quam vocem etiam apud Davidem Morgan invenies).

[ille ego qui]

fortasse adicies: quae dicitur ...

[Zythophilus]

Vulpius saepius uerba quaerit, quae ne Germanicam quidem in linguam transuertimus, sed ut Anglica sumimus. Num "Katzengang" dicimus?

[RM]

Vulpius magna vi comica nititur.

RM

[ille ego qui]

Vulpius saepius uerba quaerit, quae ne Germanicam quidem in linguam transuertimus, sed ut Anglica sumimus. Num "Katzengang" dicimus?

an vis ut Latine scribentes loquentesve verbum "Catwalk" retineamus? putasne Romanos appellativa indeclinabilia in sermonem suum admissuros fuisse neque curaturos, ut aliquo tamen modo declinari possent?
licet nos, qui sumus Germani atque Austriaci, multa verba Anglica sine magna dubitatione suscipiamus. ad quod tamen etsi multae etiam aliae, non tamen omnes nationes adeo promptae sunt (quod exemplum Gallorum satis docet).

[Zythophilus]

Quod ad nomina biblica attinet, Romani certe formas, quae declinari non poterant, sumpsere. Postea solum etiam formis aliis usi sunt.
Fortassis etiam clausulis regulis suis conuenientibus additis noua uerba suscepissent.