LATINITAS VIVA

[ille ego qui]

D. Morgan:

fabula e radiophonio continua et affectuosa roll:

... res secundae - res adversae

[Medicus domesticus]

Hodie nostris in Alpibus sol autumnus lucet venti tepidi causa.

Latine dicam ["es ist ziemlich föhnig heute."]

Oro vos, qui Linguae Latinae periti sitis, ut mihi feratis auxilium.

Optime valete!

[marcus03]

favoniosus ?

es ist ziemlich föhnig heute = Hodie aer aliquanto favonii impletur. ??

[Zythophilus]

Cum nomen eius uenti a fauonio tractum esse constet, tamen idem non est, ut eo uerbo uti non posse arbitrer.

[marcus03]

cf:
http://de.pons.com/%C3%BCbersetzung?q=F ... &in=&lf=de

Scio quidem his in casibus "PONTE magno cum cautione fruendum esse". PONS pons fragilior ac nimis vacillans esse videtur.

[Medicus domesticus]

Gratias vobis ago, Marce et Zythophile,
Vox nostra ["Föhn"] favonio oriri videtur. Vox favonii autem - quod mihi quoque displicet, Zythophile - ["(lauer) Westwind"] significat. Linguā Ladinā vallis nomine "Gherdëina", quam valde diligo (non solum vallem, sed etiam linguam), ["Föhn"] vënt ciaudin (~ventus calidus) appellatur.

[Zythophilus]

Forsitan fauonio Alpino uti possimus, ut eundem uentum non esse appareat.
Ceterum dixerim: Vento ex Alpibus delabens uallem fouet.

[Zythophilus]

Etiam uersu hanc rem lepide dicere possumus:
Ventus aprica fouet delabens Alpibus arua,

persaltant aquila saxa uolante caprae.

[Medicus domesticus]

Optime! Fruitus sum vento ex Alpibus nostris delabente carmineque tuo, quod dicitur distichon...

[Zythophilus]

Vesper adest. Tibi nunc ne desit cantharus, opto,

cantharus, ut mos est in regione tua.

http://www.bierkruege-guenstig.com/imag ... /285_0.jpg

[marcus03]

persaltant aquila saxa uolante caprae.

Capras illo vento flante a capitis dolore laborare incipientes gaudio persaltandi privatum mox iri puto.
Fortasse autem illud malum tollatur nonnullis cervisiae haustibus sumptis. Periculum quidem est, ne illae nimium bibant et dolore capitis liberatae ebriae se praecipitent. Eo modo caprae olim laetae caprae ebriae postremoque caprae mortuae fiant.

[Zythophilus]

Rupicaprae caderent de saxis, si liquor esset

Bacchicus, at potant nil nisi fontis aquam.

[Medicus domesticus]

Hiems ante portas....
Lingua Ladina fruamur! (Salvete, amici mei montani!):
http://youtu.be/rG8TQ1Fwz6o

[ThomasVulpius]

Salvēte, amātorēs vestīmentōrum muliebrium!

Prōpōnō: [brācās mollēs].

Quās brācās uxōrēs vestrae gerant, rescīscere velim.

Bene valēte et fēminārum pulchrārum crūra femoraque īnspicite, brācīsne mollibus circumdata sint!

Thōmās vester, īnspector brācārum muliebrium

[ThomasVulpius]

Quid verbum Germanicum "föhnig" significet, nescio.