von ThomasVulpius » Di 18. Nov 2014, 12:18
Salvete, amatores!
Est quidam coryphaeus Latine loquendi, quem omnes puellae et formosae et ingeniosae admodum amant. Eum "Schwerenöter" vocem, sed nescio, quomodo Latine haec vox dicatur.
Ferte mihi de re veneriā cogitanti auxilium!
Sperandumst fore, ut ille "Schwerenöter" noster eam puellam, a quā ametur, in matrimonium mox ducat et liberos procreet, quos sermonem Latinum ut patrium doceat.
In Latine loquendi studio sunt omnia!
Quibuscum ego liberis Latine colloqui magnopere cupio et hoc primum quaeram, sitne parentum culina muscarum *drosophilarum plena. Deinde ex liberis quaeram, sitne parentum scapha folliculosa anguillarum plena. Tertium quaeram, lārvamne, quam adduxerim, metuant quemque lārvā domum parentum inquietante convocent. *Lārvicipes!
Bene valete et respondete!
Thomas vester, indagator amoris