*Cinemateum nuper adii et novissimum *cinematogramma, quod fere omnibus placet (Britannice: "blockbuster"), spectavi. Quod *cinematogramma de Draculae rebus nondum narratis (Britannice: "Dracula untold") erat.
Ubique vesperugines! In antro monstrum! In arce sanguisugi! In campo *Turci occisi! Mille corpora *impalata! Locus acervis corporum et *Turcorum sanguine redundavit. (cf. CIC. Catil. 3,24)
Nescio quo pacto scaenarum dispositores omnia monstrorum genera in id montium claustrum, quod "Borgo" vocatur, convenire *cinematogrammatis (heterocliticon!) fingunt.
![Bild](http://fireheartpress.com/wp-content/uploads/2013/05/borgo-280x260.jpg)