LATINITAS VIVA

[RM]

Iamiam exspectamus primam editionem Mangae Latinae, quam e lingua Iaponica scilicet verteris.

RM

[ThomasVulpius]

Iamiam exspectamus primam editionem Mangae Latinae, quam e lingua Iaponica scilicet verteris.

RM

*Iaponice nescio, Roberte.

[ThomasVulpius]

Salvete, coryphaei!

Propnono [saltatorem volutabundum].

Quid vobis videatur, resciscere velim.

Bene valete et respondete!

Thomas vester

[RM]

Quin addiscis?

RM

[ThomasVulpius]

Quin addiscis?

RM

Quod omne tempus meum in linguam Sanscriticam discendam impendo.

[RM]

Dubito te totum tempus tuum tali terere tormento, tibi dum suppeditat otium ad mangas legendas.

RM

[ThomasVulpius]

Dubito te totum tempus tuum tali terere tormento, tibi dum suppeditat otium ad mangas legendas.

RM

Ante *computatrum sedens disco et aliā fenestrā imagines lascivas, quae "Manga" *Iaponice vocantur, specto. Eodem tempore duas res augeo: et scientiam et libidinem meam.

[marcus03]

Dies longius abesse non videtur, quo te libidine tua et propria (dis)ruptum iri suspicor.

[ThomasVulpius]

Dies longius abesse non videtur, quo te libidine tua et propria (dis)rumptum iri suspicor.

Falso suspicatus es. Nam hi versūs in fatiloquae vaticinatione insunt:

In terrīs longævus erō, tum mortuus ūnā
vīvam cum dominā atque habitāns in sēde beātā
vītam aliam vīvam, diuturnus amābor ab illā.

[marcus03]

Beatus es, qui hoc credas/credere possis.

[Zythophilus]

Tu ne suaseris – heu –, sermonem gentis Eoae

Vulpius ut discat. Docte Roberte, caue!

Nam simul ac scierit, quae uerba utantur Eoi,

his quoque peruersas res dabit ille suas.

[ThomasVulpius]

Tu ne suaseris – heu –, sermonem gentis Eoae

Vulpius ut discat. Docte Roberte, caue!

Nam simul ac scierit, quae uerba utantur Eoi,

his quoque peruersas res dabit ille suas.

Perspectum me habet Zythophilus. Nulla enim totius orbis terrarum gens *Iaponos perversitate superabit. Quorum qui linguam scit, eum perversum aut, si iam perversus sit, etiam perversiorem fieri verisimile est.

[ThomasVulpius]

Beatus es, qui hoc credas/credere possis.

Equidem has res non solum credo verum etiam haec fore pro certo habeo. Nam ea omnia, quae in provinciā ulteriore forent, cum ego post hanc vitam eo pervenissem, iam vidi, cum itinera per eam provinciam somnians facerem - id quod "Astralreise" Germanice dicitur. Homo enim *esōtericus sum et hominem animā immortali praeditum esse credo.

[durgicola]

Dacia quem genuit vulpino arrodere dente

Perge nec in media, defice amice, via

Ille coactus erit tandem sibi quaerere ramum

Exanimis fracta pendeat unde gula

[ThomasVulpius]

Dacia quem genuit vulpino arrodere dente

Perge nec in media, defice amice, via

Ille coactus erit tandem sibi quaerere ramum

Exanimis fracta pendeat unde gula

Eum, quem Dacia genuit, non iam dente arrodere potero. Nam mortuus sum: Marinus enim me rotā frangi iussit.