salvete sodales,
ut qui studeam Latinitati vivae, mihi propositum est, ut olim magister discipulos et Latine quam saepissime alloquar et nominibus Latinis vocem. quod in plerisque nominibus Europaeis non difficillimum est.
Denis => Dionysia, Justin => Iustinus, Brian => Brennus, Jenny => Genovefa, Björn => Biornus, Ulla => Udalrica, Jan => Ianus (ad similitudinem)/Ioannes, John = Ioannes, Lars = Lars**, Lartis (cf. L. Porsenna), Walter = Valtharius etc.
saepe utile mihi est quod inscribitur "lexicon nominum virorum et mulierum"?
at quid fiat de nominibus non Europaeis? quidam amicus Turcus suasit, ut se appellarem Latine Seleucum, quod nomen sono suo esset similius? num ita Romani et ipsi fecerunt? quam rationem vos suadebitis?
bene valete
____________________
** lexicon illud nominum pro Larte nomen Laurentii suadere miror. quid vobis videtur?