Abhinc ... annos

[marcus03]

In proelio navali ad Naulochum commisso Octaviani classis Marco Vipsiano Agrippa duce
classem Sexti Pompeii victam delet. Quae res evenit bellis civilibus exeuntibus.
Locus Naulochi in insula Sicilia boreali situs est.

https://de.wikipedia.org/wiki/Seeschlacht_von_Naulochoi

[Zythophilus]

Gregorius Magnus Romanus papa creatus.

Pontificis grauitas maxima deinde fuit.

[marcus03]

Gregorius Magnus

Hoc mihi statim venit in mentem:
https://de.wikipedia.org/wiki/Tomus_ad_Flavianum

"Communicatio idiomatum"

[Zythophilus]

Romulus Augustus deponit sceptra coactus

et regitur populis Roma uetusta nouis.

[marcus03]

Romulus Augustus

Unus ex Augustis quidem non erat, sed Augustulus tantum.
Qui carmini gratiam habere nunc debet, quo se promoveris ad Augusti gradum.
Tandem R.I.P. Augustus te auctore et illum hoc titulo augente.

[marcus03]

Iosephus Antonius Bruckner componista aetatis Romanticae, organarius, professor Austriacus
in lucem editur in oppido Ansfelden in Austria superiore sito.
Decessit a.d. IV Id. Oct. anno MDCCCXCVI Vindonbonae.

A deo olim rogatus: "Ubi sunt virtutes innatae, quas tibi dono dedi?", ei notarum volumen musicarum porrigam meum TE DEUM continens.

Qui turres exstruere vult altas, in fundamento ponendo diu versari debet.

Tu quidem me aliter scribere velis. Hoc quidem faciam, sed mihi non licet.
Deus me ex mille hominibus elegit tributurus mihi illas virtutes ipsas.
Cui rationem reddere debebo. Qui ante Deum starem omnipotentem alios sequens pro eo?

https://de.wikipedia.org/wiki/Anton_Bruckner

[Zythophilus]

Ceditur a Venetis obsessis Candia Turcis

et defensa diu moenia uicta cadunt.

[Zythophilus]

In Piriis moritur Mater Theresa Beata,

edita quae Scupis iussa secuta Dei est.

[marcus03]

Casparus David Friedrich pictor, graphicus, delineator Theodiscus in lucem editur Gryphiswaldiae.
Obiit Non. Mai. A.D. MDCCCXL Dresdae.
Qui inter aetatis Romanticae recentis artifices numeratur gravissimos.
Mundum more contemplatus est melancholico.

Cor nostrum unicus fons verus est artis, animi integri sermo puerilis.

Imago quaeque plus minusve mores et ingenium reddit eius, qui pinxit illam.

Sacrum habeto motum animi quemque,
sacra afficito reverentia praesensionem piam quamque.
Nam ars est in nobis sita.

Summum et praeclarissimum tibi appetendum est, si tibi contingere velis pulchrum.

Ubi cor et animus refriguerunt, arti numquam est patria.

Homo (pictor) generosus in rebus omnibus Deum percipit, homo communis (pictor quoque)
formam solam conspicit nec spiritum.

Cave polymathiam frigidam, cave, ne ratione utaris scelerata; cor occidunt.
Ubi cor et animus in homine emortui sunt, ibi arti non est domicilium.

Numquam autem id, quod alius sentit, nobis imponendum est lex.

Pictor non solum pingere debet, quod conspicit ante se situm,
sed etiam quod cognoscit in se.
Nihil in se cognoscens omittat et id pingere, quod conspicit ante se situm!

[Tiberis]

Heu, in curriculo Modaetiano
Iochen Rindt perit, optimus qui in orbe
toto auriga fuisse tunc habetur.

[Zythophilus]

Vincitur Eugenius, qua Frigidus aestuat amnis;

Romanum imperium iungitur inde breui.

[marcus03]

Alfredus Koerte philologus Theodiscus obit Lipsiae die, qui suum diem sequitur natalem quoque
natus est Berolini anno MDCCCLXVI.
Optime meruit de operibus Meandri investigandis, edendis interpretandisque.
Adhoc innotuit urbe Gordii anno MDCCCXCV reperta.

https://de.wikipedia.org/wiki/Alfred_K%C3%B6rte


Ludovicus Augustus Dirndorf philologus Theodiscus decedit Lipsiae,
qua urbe natus est a.d. III Non. Ian. anno MCCCV.
Edidit multos auctores linguae Graecae.
Sibi gloriam peperit Xenophonte, Diodoro, illo Chronico Paschali critice editis.

https://de.wikipedia.org/wiki/Ludwig_Dindorf

[Zythophilus]

Dandulus Andreas Venetus dux morte peremptus:

Iusserat hic scribi chronica in urbe sua.

[marcus03]

Carolina Schelling scriptrix et translatrix Theodisca nascitur
Dorothea Carolina Albertina Michaelis Gottingae.
Obiit a.d. VII Id. Sept.anno MDCCLXIII in oppido Maulbronn.
Inter illas feminas numeratur, quae "Universitätsmamsellen" appellatae sunt.
Quae erant grex professorum filiarum Gottingensium.
Carolina habetur musa aetatis Romanticae poetarum et intellegendi auctorum diversorum.

Distantia est amoris sepulchrum - Propinquitas et praesentia ei sunt cibo.

Momentum iucundum quodque mihi pretii est - beatitudo ex momentis tantum composita est.
Beata facta sum, cum hoc discerem.

Optata modesta esse desinunt, cum summa et dulcissima beatitudo posita esset in iis explendis.
Miracula non exspectat, qui se miracula efficere posse sentit.

In loquendo plerumque tam paulum apparet mentis, ut verba scripta sequi debeamus.

Miseri essemus, nisi ex rebus parvis composita esset beatitudo, quarum summa est vana, sed singulae
tamen nos occupatos tenere possunt.

Quam discissus est mundus, quam vis miseriae ingens, abundantiae deletae, pravitatis!
Quam inopia securitatis communis cuiuslibet!

Cordi meo confidere opus esset ultra inopiam et mortem.

https://de.wikipedia.org/wiki/Caroline_Schelling

[Zythophilus]

Dauidis statuam uidit Florentia primium

nec signum hac statua notius orbis habet.