Abhinc ... annos

[marcus03]

Petrus Sellers comicus et scaenarius Britannus nascitur Riccardus Henricus Sellers in oppido
Portsmouth.
Obiit a.d. IX Kal. Aug. anno MCMLXXX Londini.
Innotuit partibus, quas egit in pellicula, quae inscribitur PANTHERA ROSEA.

Cum inscripta legimus, quae inveniuntur in sepulchris, miramur, ubi sepulti iaceant scelerati.

Vir generosus est ille, qui protegit feminas, quoad cum iis una sit solus.

Iucundum est scitu, quomodo primi homines duo creati sint.
Sed gratum est compertu, quomodo tertius ortus sit homo.

Cum amica magno constare coepit, tempus adest eam ducendi uxorem.

Feminis contigit, ut physica everterent:
Quo breviores bracellae, eo plus caloris emittunt.

Chirurgi sunt homines unici, qui appendicem alienum et tonsillis carere non possint.

Qui primo focali usus est, eo usus est quandam rem memoriae tradendi causa.
Quid quidem tradidit, ad hunc diem nescimus.

[Zythophilus]

A Turcis ualidae capiuntur moenia Ledrae,

cui Peliaeus aquis saepe minatus erat.

[marcus03]

Leo Tolstoi scriptor Russicus nascitur Lew Nikolajewitsch Comes Tolstoi apud Tulam.
Obiit a.d. VII Kal. Dec. anno MCMX in Astapowone.
Innotuit operibus, quae inscribuntur BELLVM ET PAX et ANNA KARENINA. Utrumque
in pelliculam conversum esse constat.

Benedictus est, qui amat, beatus, qui amatur.

Omnes mundum mutare volunt, se ipsum nemo.

Omnia bene cedent illi, cui est patientia.

Si perfectus esse studes, contentus numquam eris.

Semper memento unum esse tempus grave: hodie - hic - nunc!

Homo quisque ad id natus est, ut reddatur homo melior.

Sine amore lignum findere, tegulas formare, ferrum excudas licet.
Sed sine amore hominum consuetúdine utaris non licet.

Amor tantum nodos omnes explicare potest.

Ubi nulla fides, ibi nulla vita. Fides scientia est de eo, ad quod nati sumus.
Fides vitae robur. Homo vivit, cum rei credit cuidam.

Res pretiossimae sunt eae, quae homines coniugunt benignitate.

Vitae varietas omnis, incitamenta omnia omnisque venustas composita est ex luce et umbra.

Quamdiu erunt confectoria, tamdiu erunt proelii loci.

https://de.wikipedia.org/wiki/Lew_Nikol ... ch_Tolstoi

[Zythophilus]

Qui Circo fueras, plateis, obelisce, Petrinis

traderis, ut papam Christicolasque iuues.

[marcus03]

Franciscus Victor Werfel scriptor et poeta Austriacus nascitur Pragae.
Obiit a.d, VII Kal. Sept. anno MCMXLV in Urbe Angelorum.
Iudaeus in Civitates Foederatae Americae emigraverat Germaniam Nazistis traditam fugiens.
Cuius terrae civitatem accepit anno MCMXLI.
Qui praefuit, qui Expressionismus Lyricus appellatur.
Circuli erat Pragensis, qui dicitur, cum Francisco Kafka, Maximo Brod, Ernesto Deutsch scaenario.


Innotuit operibus narrativis et fabulis theatro compositis.
In libro ultimo, qui STELLA NON NATORUM Dante poetam sibi receptum revelat.
Nonnulla ex eius operibus in pelliculas conversa sunt, inter quae est BERNHARDETTAE CANTICVLVM
et JAKOBOWSKY ET TRIBVNVS MILITVM.

Solis dies est dies, quo timoris nos strangulans manus relaxatur in collo, dies est expergiscendi
sine nausea timore plena, dies, qui caret examine, poena, magistri clamore irato, dies contumelia
vacuus, sine lacrimis suppressis, humiliatione, dies, quo expergiscamur in campanarum mare dulci.

Divitiae certissimae sunt ei, qui pauper est desideratorum.

Otium origo mentis cuiusque.

Creationis dolus more Satanico salax est. Femina ante frigida manet, fervidus vir.
Illa post fervet, hic horologium inspicit. Eo modo fraus non exstinguitur nec natura.

Deus veniam non dat eorum, quorum veniam dant homines.
Homines veniam non dant, quorum veniam dant Deus.

Linguae non solum sunt expressiones eorum, qui se utuntur, sed simul sunt veritas de se ipsis occulta.

Nulla miseria revera tam magna est quam metus noster.

Ea, quam nominamus superstitionem, saepe est tremor et aestus tantum est aeris calefacti flammam fidei circumdantes rectam.

Quod capitis exstat poena, minus est signum morum nostrum quam quod carnifices inveniuntur.

Homo quisque melodia. Amare est: eam in se habere. Ego tibi, tu mihi canticulum.

Ius est instrumentum, quo homo ab homine defenditur Dei gratia.

Omnibus viis obstructis nulla superest via nisi quae nos ducit sursum.

Solis dies est dies, quo timoris nos strangulans manus relaxatur in collo, dies est expergiscendi
sine nausea timore plena, dies, qui caret examine, poena, magistri clamore irato,
dies contumelia vacuus,sine lacrimis suppressis, humiliatione, dies, quo expergiscimur
in campanarum mari dulci.

https://de.wikipedia.org/wiki/Franz_Werfel

[marcus03]

Salvador Guillermo Allende Gossens medicus et vir civilis Chiliensis obit
in suae patriae capite morte voluntaria seditione militari Augusto Pinochet duce facta.
Natus est a.d. VI Kal. Iul. anno MCMVIII in urbe Valparaiso.
Chiliam in rem publicam socialisticam convertere voluit, quod minime placuit et Americanis,
qui eum depellere temptaverant more occulto.

Istis potestas est nos subigendi. Sed res sociales proficientes nec sceleribus nec vi sisti possunt.

Nunc de eo agitur: Quis quo utetur?

Opearii patriae meae, confido Chiliae eiusque fato.

Homines se defendere debent, sed vitam profundere non debent.

Haec sunt verba mea ultima et mihi persuasi sacrificium meum irritum non esse.
mihi persuasi id fore scholam, quae scelus, ignaviam, proditionem afficiet poena.

https://de.wikipedia.org/wiki/Salvador_Allende

[Zythophilus]

Turcica apud Zentam dux nobilis agmina uincit

Eugeniique uiris illa fugare licet.

[Zythophilus]

Planities Persas pelli Marathonia uidit:

Sic tua libertas, Graecia, cara manet.

[marcus03]

Equestris palaestra instruendae exercendaeque nobili iuventuti et equis ad cursum formandis conditur Vindobonae.
Ex anno MMX inter heriditates immateriales est culturae mundanae.





.

[marcus03]

Clara Josephine Schumann clavicen, componista, claviario canendi magistra Theodisca
nascitur Clara Wieck Lipsiae.
Obiit a.d. XIII Kal. Iun. anno MDCCCXCVI Francoforti an Moenum siti.
Ab anno MDCCCXL uxor erat illius Roberti Schumann annos XVI.

Multa sunt, ad quae femina animum dirigere debet,imprimis id studere debet,
ut in secessu versetur, quae res difficilis est factu tanto adductae amore.

Artem meam non relinquam, me perpetuis afficere probriis deberem.

Musica id exprimit, de quo tacuisse decuit.

Artem exercere magna est pars animi mei,
aer est, quem haurio.

O cui invidiae mihi est muscica Lipsiana!

https://de.wikipedia.org/wiki/Clara_Schumann

[Zythophilus]

Morte Titus rapitur, genitor qua mortuus ante est.

Hoc homines sanos non facit unda loco.

[Zythophilus]

Accipit in manibus Franciscus stigmata Christi,

quae uolucer tradit uulnera nocte seraph.

[marcus03]

Ioannes Theodorus Woldson Storm scriptor Theodiscus nascitur in insula Husum.
Obit a.d. IV Non. Iul. anno MDCCCLXXXVIII.
Qui pertinet ad realismum poeticum, qui dicitur.
Imprimis innotuit fabellis. In quibus vituperat nobilitatem, magistratuum hierarchiam, vinculum
inter vires saeculares et spirituales iunctum.

Beatitudinem meam tuis legere velim in oculis,
abs te perpetuo audire velim:
Amo te.

Conchis paucis tantum margaritae sunt.

Tuam vitam ex eo sculpere debes ligno ,
quod tibi suppeditat.

Hoc est maximum homini datum,
quod ei vis est infinite amandi

Et auctoritas et fiducia nulla re magis concutitur
quam sentiendo te iniuste tractari.

Ut folium arbore decidit.
ita vita quaedam mundo decedit
avibus canere non desinentibus.

Oblivisci et oblivione obrui!
Qui diu vivit in terris,
utrumque discere et pati debeat.

De miseria primo culpam deduce!
Quod supererit, patienter perfer!

https://de.wikipedia.org/wiki/Theodor_Storm

[Zythophilus]

Vandalicum periit capta Karthagine regnum,

et populo felix Africa rapta fero est.

[marcus03]

Agatha Mary Clarissa Christie, Lady Mallowan, scriptrix Britanna nascitur
Agatha Mary Clarissa Miller in oppido Torquay ad oram Angliae meridianae sito.
Obiit prid. Id. Ian.anno MCMLXXVI.
Milliarda fere duo librorum vendidisse aestimatur ubique terrarum.
Qua de causa inter auctores felicissimos litterarum historiae numeratur.

Nulla re magis beamur nisi hominem inveniendo, quem irritemus licet, dum vivet.

Mendacia, quae alii pronuntiant, eodem sunt usui veritate.

Ex temporibus, quibus Lucrecia Borgha vixit, illa sum femina, quae plurimos occidit homines,
machina quidem usa scriptoria

.

Viri diligunt nec studium nec adorationem

.

Archeologo nube! Quo magis aetate progressa eris, eo iucundiorem te putabit.

Plerumque plus nobis sunt amicorum quam timemus.

Investigator numquam plus scire debet lectore.

Intellegas opus est, priusquam oculis uteris tuis

.

Prudentiae non est nimium amare.

Etiam nunc certe scio vivum tantum esse rem esse mirificam.

Tempus optimum fabulas excogitandi est, dum vasa purgas.

Verba de matrimonio et caelebatu optime dicta sunt haec: Non refert, utrum agas, utriusque te paenitebit.