Abhinc ... annos

[Zythophilus]

Moenia verterunt Saraceni firma Tarenti:

atque urbs deinde diu maxima gente caret.

[marcus03]

Elvis Aaron Presley cantor, musicus scaenariusque Americanus decedit Memphide.
Natus est a.d. VI Id. Ian. anno MCMXXXV Tupelone, quod oppidum in civitate sita est,
quae Mississippi nominatur.

Vere felix est ille, qui manere non desinit, qui est.

Veritas solis instar est. Quem paulisper occultes licet,
sed numquam evanescet.

Non refert, quantum possideas, sed quantum dare possis,interest.

Fac, quod dignum est, quod memoria teneatur!

Bestiae non oderunt et nos meliores esse oportet illis!

Verbis uti, quibus aliis affertur gaudium, summum est gaudium.

[ille ego qui]

… pigerrimum …

istum locum Mengeanum et ego vidi. Sed incertus eram, num huc referre oporteret, cum in „Berolini orientali“ (sicut in „Carthagine nova“) adiectivum tamquam pars nominis urbis haberi posset (cuius generis nullum habent exemplum grammatici).
Tamen assentior meliorem „solutionem“ vix exstare.

(si recte intellexi MBS, praestat „in“ praepositionem adhibere quam omittere in „Berolini orientali“. sed si vere est pars nominis … nescio … )

P.S.: Vicipaediam non attuli pro teste bonae Latinitatis hoc loco, sed potius corruptae

[Tiberis]

Ego quidem dubito, num "orientale" (sicut "occidentale") pro parte nominis illius urbis possit haberi. nonne in actis publicis semper legebatur Berlin,Hauptstadt der DDR ? Sic etiam de Hierosolymis: nemo fere est, qui, cum de parte urbis orientali agitur, dicat illud "orientale" partem nominis esse.

[ille ego qui]

Recte mones. quamquam „oriens“ hic multo certiorem significatum habet quam aliis in locis. sed non nego.
Quid autem Colonia Agrippinensis?

[Tiberis]

"Agrippinensis", quamvis ad nomen ipsum pertineat, eam legem sequitur, quae in ceteris adiectivis valet. quam ob rem si volumus dicere "in Köln", non fieri posse arbitror, quin dicamus "in Colonia Agrippinensi".
sed de aliarum urbium nominibus me incertum esse fateor: quid e.g. de Novo Eboraco ? "in N.Y." : Novi Eboraci an in Novo Eboraco? quid tu sentis ?

[ille ego qui]

bene rogas. semper dicebam Novi Eboraci. Sed nunc paulum dubito …

[ille ego qui]

https://latin.packhum.org/search?q=coloni%7E%23agrippin

„in (!) coloniam Agrippinensem“

nondum (?) in verum „nomen“ videtur conversum …

[Tiberis]

„in (!) coloniam Agrippinensem“

quid mirum? "colonia" apud Romanos non nomen, sed genus urbis significavit. Nostris autem temporibus, si nomen illius urbis (scil. Köln) Latine reddere volumus, nescio an melius sit dicere "Colonia" cognomine omisso.

[ille ego qui]

certe!!

[marcus03]

Primus discus condensus societati mercatoriae POLYGRAM confectus profertur.
Qui continet salutationem Vindobonensem a Frederico Chopin compositam et a Claudio Arrau
sonatam cum collectione canticulorum gregis ABBA, quae inscribitur VISITATORES.

[Zythophilus]

Pannonico regi Stephano mandata corona est,

lata ubi delubrum Danubii unda uidet.

[Zythophilus]

Strabus iter faciens doctissimus occidit auctor,

uita cuius egens Augia corpus habet.

[marcus03]

Dschingis Khan rex, qui Khagan dictus est, Mongolorum et eorum imperi conditor animam efflat.
Qui aut anno MCLV aut MCLXII aut MCLXVII natus esse fertur.
Gentibus Mongolorum unitis Asiae partes medias et partem Sinarum borealium expugnavit.
Imperavit annos XXI ab anno MCCVI ad annum MCCXXVII.
Quo mortuo imperium inter eius filios divisum auctum est, quod quidem diutius non permansit.
Ad imperium regendum curavit novam scripturam creandam et leges litteris mandatas perpetravit,
quibus omnes oboedire debuerunt.

[Tiberis]

Oblivionem non capit hic dies,
qui te edidit quondam populis tuis,

Francisce Ioseph, qui benigne

Austriam et Hungariam regebas.