Abhinc ... annos

[Zythophilus]

Hoc, Auguste, die coepit tua uita, future,

Austria quo sceptrum magna tenente perit.

[marcus03]

Moritur Divus Augustus annos LXXV natus.
In lucem editus est a.d. IX Kal. Oct. anno DCXC a.u.c.

[Zythophilus]

Pontificem creat electoria turba poetam:

qui fit papa Pius, Siluius ante fuit.

[Zythophilus]

Qui fuit Augustus, princeps Octauius Orco

additur et linquit tradita regna sibi.

[Zythophilus]

Quem sibi post mortem uoluit succedere princeps,

Massiliae moritur Lucius ante diem.

[marcus03]

Ephraim Kishon (Hebraeice אפרים קישון) scriptor, scaenarum et theatri et pellicularum
dispositor Israeliticus nascitur Ferencius Hoffmann Aquinci.
Decessit a.d. IV Kal. Feb. anno MMV in Helvetia.
Inter satiricos est felicissimos saeculi vicesimi in regionibus Theodisce loquentium.

Omnia homini adimantur licet nisi hoc unum: id, quod comedit.

Ridere salubre est, sed numquam nisi ex pectore provenit imo.

Hilaris est, qui comitate adductus desperat.

Pecunia sola nos non reddit beatos,
sed in autocineto meretorio vehi quam in tramine in viis eunti praestat.

Vivere est proelium perpetuum cum rebus supellectilibus agendum, quae obstant.

Per amorem natura id studet, ut nobis mentem auferat,
cum de generis humani rebus futuris muniendis agitur.

Ridendo odium inter gentes postremo tolli poterit.

Successu prospero non solum fatigamur, sed nobis taedio quoque est.

[Zythophilus]

Tertius in calida Ptolemaeus Apollinis urbe

templa sacra, armipotens, conficit, Hore, tibi.

[Zythophilus]

Mors rapit Agricolam, Tacitus cui scripta dicauit,

ut faceret socero sic monumenta gener.

[Zythophilus]

Diripuit Romam saeuorum turba Gothorum,

ingens ut fieret praeda, secuta ducem.

[Zythophilus]

Maxima pars flammis eueritur urbis Vlixis

atque ustis domibus canus ubique cinis.

https://encrypted-tbn0.gstatic.com/imag ... k&usqp=CAU

[marcus03]

Fridericus Guilhelmus Nietzsche philologus et philosophus Theodiscus obit Vimariae.
In lucem editus est Id. Oct. anno MDCCCLVI in vico Roecken, quod in Saxonia-Anhaltina situm est
et pars oppidi Luetzen est.
Inter praecursores est philosophiae, quae vitae philosophia nominatur.

Ille, cui est causa, cur vivat, modum fere quemquam fert, quo sibi est vivendum.

Homo est quiddam, quod sit superandum.

In viro vero puer latet, qui ludere vult.

Res omnium optimae nobis in mentem veniunt euntibus.

Via ad rem quamque magnam adispiscendam cum silentio carpenda est.

[marcus03]

Ludovicus II. Otto Fridericus Guilhelmus rex Bavarus nascitur in regia Nymphenburgi,
quae Monachii sitast.
In lacu Starnbergensi dubiose periit Id. Iun. anno MDCCCVI cum medico suo.
Regnavit annos XXIV ab anno MDCCCLXIV.
Diebus IV ante mortem regnandi potestate privatus est, cum mente captus esse iudicaretur.

Aenigma manere mihi aliisque velim perpetuum.

Regiae meae non sunt meae, sed sunt generis humani.

Huic aetati natus non sum.

Istum mundum ieiunum animo aequo ferre non possum.

Caelum regiam esse oportet.

[Zythophilus]

Primum Caesar adit – liber id nuntiat ipse – Britannos

et multis ratibus trans freta lata uenit.

[Zythophilus]

Eligitur dictus subridens papa beatus,

regna seni Dominus cui breuiora dedit.

[marcus03]

Hoc die aut paulo ante aut paulo post eodem fere tempore et pugna ad Plataeas et proelium navale
ad Mycalen aguntur, quibus confectis bella contra Persas gesta finem capient.
Ex quibus parvae civitates Graecae unitae victrices discedent.