Abhinc ... annos

[Zythophilus]

A Graecis uinci uidet ora Plataica Persas,

hinc ut agros patrios agmina pulsa petant

.

[Zythophilus]

Patricius periit pugna superatus Orestes

moxque tibi, Romule, regna, puer.

[marcus03]

Aurelius Augustinus Hipponensis episcopus Romanus et ecclesiae doctor obit Hippone Regio.
In lucem editus est Id. Nov. anno CCCLIV Thagastae Vandali Hipponem obsidentibus.

Non intratur in veritatem nisi per caritatem.

Fecisti nos ad te et inquietum est cor nostrum donec requiescat in te.

Quod enim amplius nos delectat, secundum id operemur necesse est.
Amoris modus est amor modo carens.

Nemo potest Deum amare, qui proximum non amat.

Malum est boni privatio.

Virtus est ordo amoris.

Quaestiones sunt magistri qui docent.

Quid est tempus? Si nemo ex me quaerat, scio; si quaerenti explicare velim, nescio.

[Zythophilus]

Augustinus obit, cum patria cederet armis

et caperent hostes moenia cara truces.

[Zythophilus]

Pannonius uates est Ianus episcopus ortus,

gloria cui lepidis magna tributa metris:

Cognita Pannonii quaesiui carmina Iani,

sed, quod opus chartae tradidit ille, latet.

https://s3.eu-central-1.amazonaws.com/k ... cf08_4.jpg

[Zythophilus]

Heu, Mogontiaci pereunt modo templa sacranda:

Dicitur a facibus tradita flamma furens.

[marcus03]

Seditione in praesidem confecta Summum Concilium Sovieticum Unionis Civitatum Socialisticarum Sovieticarum, quod dictum est, decretum edit, ut partes rei publicae Communisticae abrogentur.
Quae anno MCMIII conditae sunt Londini ex gregibus VI oriundae, qui annis V ante confusi erant in unum.
Quarum secretarius generalis Michael Gorbatschov diebus V ante munere se abdicaverat.
Eodem anno exeunte illa unio dissoluta est.
Ex quo tempore civitates ante inter se coniunctae sui iuris esse coeperunt.

[Zythophilus]

Sextus in urbe Petri est Vrbanus papa creatus;

purpurea hunc legit parua caterua senem.

[marcus03]

Flavius Theodericus, cui cognomen additumst Magni, rex Ostrogothorum obit Ravennae.
Natus est inter annos CDLI et CDLVI in Pannonia.
Anno CDXCIII imperium Ostrogothorum condidit.
Odoacro victo paulisper et Visigothis imperavit.
In arte mediae aetatis poetica Germanica ei nomen datum est Theoderici Veronensis,
Germanice: Dietrich von Bern

Felix est illud imperium, in quo iudicia fiant liceat nullo sanguine profuso.

Decem nocentes abire impunitos quam unum innocentem damno affici praestat.

Non sumus vestrae libertatis domini, sed eius custodes.

Nimis potestate confidere numquam oportet, sed iustitia.

Pax summum est bonum, quod imperio tríbui licet.

[marcus03]

Carolus Petrus Baudelaire scriptor et lyricus Francogallus gravissimus
obit Lutetia, qua in urbe natus est a.d. V Id. Apr. anno CDCCCXXI.
Innotuit carminum collectione, quae FLORES inscribitur.
Quem viam litteris patefecisse constat, quae MODERNA LITTERARIA appellatur.

Iam puer meo in animo res sentiebam duas sibi contradicentes: vitae et horrorem et furorem

Pulchrum semper mirumst.

Ibi omnia sunt nihil nisi ordo, venustas, luxus, quies libidoque.

Qui canem suum occidere in animo habet, eum rabiei accusat.

Vita, quae Lutetiae agitur, fecunda est rebus poeticis et mirificis.

Rem maximam, quam diabolus umquam confecit, est mundo persuadere se non esse.

Amor crimen est, quod sine ulla causa committitur.

Operari remedium malorum omnium optimum.

Nobis omnibus est privilegium, ut simus homines.

Semper ebrium esse oportet.

Mundus in luce dormit calida.

Consuetudo felicitatis inimica.

Nobis nulla est libertas alia nisi nos subiciendi.

Nihili sapore capior.

Nulla est voluptas maior quam hominem opprimere dando plus quam quod exspectat.

Quod mente creatumst, vivius materia.

Sum simul et vulnus et culter.

Poeta mundus, qui in homine quodam inclusus est.

Ars poetica ad nihil spectat aliud nisi ad se ipsam.

Mihi sunt plus recordationum quam si annos M natus essem.

[Zythophilus]

Lanuuii genetrix peperit te, Commode Caesar,

seque pater uoluit, Commode nate, sequi.

[Zythophilus]

Pontificem faciunt, qui non fuit ante sacerdos,

et se Gregorium nomine papa uocat.

[Zythophilus]

Incestus ratibus coniunx Cleopatraque uicti

Actiacisque armis victus uterque fugit.

[marcus03]

Moses Josephus Roth scriptor et diurnarius Austriacus nascitur in oppido Brody,
quod in Ucraina situmst.
Decessit a.d. VI Kal. Iun. anno MCMXXXIX Lutetiae.

Hominis patria tempus.

Animus desperatus fortitudinis omnis fons.

Nulla re homo ab homine separatur nisi impotentia inter se intellegendi.

Beatus est non ille, qui aliis beatus esse videtur, sed ille, qui se putat beatum ipse.

Amor non sufficit. Patria quoque opus est amori.

Homines non ex eo iudices licet, quod dicunt, sed ex eo, quod silentio tegunt.

Quod hoc momento fit, donum est, quod est involucro privandum..

Mundus taberna est ad nihilum itinerantibus.

Homo folium vento agitatum. Scire non potest, quo eat.

Amor vis vera et unica est, qua mutamur.

Nulla est tragodia maior nisi quod vis imaginandi humana marcescit.

[Zythophilus]

Gregorius Magnus Romanus papa creatur,

cui primo monacho sunt data regna Petri.