Nugae

[Zythophilus]

Chomate collectis quae fluctibus unda uorauit,

in lucem redeunt moenia tecta diu,

et qui squamigeris caeci patuere, penates

concedente lacu, candide Phoebe, foues.

Humor ubi Hylaethi solet obtegere arua retenti,

prodit ab amne, pedes quod tetigere, solum.

https://apnews.com/article/greece-water ... 7ff12e1b76

[Zythophilus]

Si prima Hylaethi syllaba breuis est, paenultimus uersus talis sit:
Qua solet arua piger lati tegere humor Hylaethi

[Zythophilus]

Plurima Lychnobius cognouit flumina Graeca,

ast hunc una tamen latior unda fugit.

[Lychnobius]

Nosse unum amnem est sat: fluitans et mobile carmen
__Zythophili. Quivis influit id fluvius.

[Zythophilus]

Rus uexans subito est calor ugatus
et caelum attulit acre frigus oris
nec nubes pluuiis rigare terram
cessant, ut fluuius tumescat auctus
et pratum tegat unda non retenta.
Qui pigri iacuere sole sub calenti
et laeti petiere frigidam paludem,
uento linquere tecta saeuiente
non audent properantue, ne cadentes
rami se feriant caputque laedant.
O quando ueniet, rogamus omnes,
tempus conueniens et hinc abibit
uastans imber eritque lux benigna?
https://static01.nyt.com/images/2022/06 ... &auto=webp

[Zythophilus]

Demisere boues Septembres Alpibus Idus,

nam iam nix operit pabula laeta recens,

et petiere greges ualles per nubila densa,

otia cum uaccis grata peracta forent.

Frigida et acris hiems autumno coepit omisso

nec memor aestatis sustinet herba niues.

https://www.samerbergernachrichten.de/c ... im-schnee/

[Zythophilus]

Qui modo riuus erat, rapidum mutatur in amnem

neglectisque suis finibus unda furit.

https://upload.wikimedia.org/wikipedia/ ... r_2024.JPG

[Zythophilus]

Haec magis alta basis Marci simulacra potentis,
ne quis aëna queat scandere tergora, habet.

[Zythophilus]

Fluctibus immensis retinetur ferrea rhaeda

et superans multas impedit unda uias.

Ne delapsa caput tibi tegula laedat, oportet,

dum furor est uenti, te remanere domi.

https://heute-at-prod-images.imgix.net/ ... ress&w=768

[Zythophilus]

De pluuiis ualidis conscripsi carmina longa

nec tumida iratis defuit unda metris.

Nubibus et caelo gelidus non decidit imber

et gremium reuocat flumina saeua uetus.

Cras Phoebus rediens madida arua fouebit,

cum pro frigoribus uenerit aura tepens.

[Zythophilus]

Tota silet regio modo tempestate remissa

nec nemus et siluas saeua procella quatit.

In terram madidam delabi desiit imber

et lictum in gremium iam tumida unda redit.