Abhinc ... annos

[Zythophilus]

Fortis apud Zentam saeuos fugat Austria Turcas

armisque Eugenii Mustafa uictus abit.

[marcus03]

Primum volumen operis ab Carolo Marx compositi,quod CAPVT inscribitur, profertur Hammoniae.
Quod esse amplius constat.

Philosophi mundum modo rationibus diversis interpretati sunt.
De quo autem mutando agitur.

Societatum omnium historia, quae adhuc inveniuntur, historia est pugnarum inter classium actarum.

Homo est id, quod edit.

Id, in quo versamur ac vivimus, destinat, quod cogitamus et sentimus.

Violentia obstestrix societatis cuiusque, quae parturitura est novam.

Operarii nihil amittant licet nisi catenas suas.

Nihil hominibus maiori damno esse potest nisi homo ipse.

Libertas continetur cognoscendo, quod est necessarium.

[Zythophilus]

Dresdae pons Carolae cecidit confractus in Albim

nec, cum pons caderet, mortuus ullus homo est.

[Zythophilus]

Cedere planities Persas Marathonia uidit,

Dareumque minor uicit Achaia ducem.

[Zythophilus]

Deducit fortes caluo rex monte Polonos

alatique equites agmina pigra fugant.

[Zythophilus]

Templa pia Solymis princeps cum matre sacrauit,

mortua ubi Christi membra fuisse putant.

[marcus03]

Fratre Tito mortuo Domitianus imperator fit imperii Romani.
Qui natus est a.d. IX Kal. Nov. anno DCCCIII a.u.c. Romae.
Decessit a.d. XIV Kal. Oct. anno DCCCXLVIII a.u.c. ibidem.
Erat imperator tertius et ultimus, qui ex gente Flaviana oriundus erat.
Qui crudeliter in Christianos consuluisse fertur et illi Tacito magnae erat contemptioni.

Aderat iam annus, quo proconsulatum Africae et Asiae sortiretur, et occiso Civica nuper nec Agricolae consilium deerat nec Domitiano exemplum. Accessere quidam cogitationum principis periti, qui iturusne esset in provinciam ultro Agricolam interrogarent. Ac primo occultius quietem et otium laudare, mox operam suam in adprobanda excusatione offerre, postremo non iam obscuri suadentes simul terrentesque pertraxere ad Domitianum. Qui paratus simulatione, in adrogantiam compositus, et audiit preces excusantis, et, cum adnuisset, agi sibi gratias passus est, nec erubuit beneficii invidia. Salarium tamen proconsulare solitum offerri et quibusdam a se ipso concessum Agricolae non dedit, sive offensus non petitum, sive ex conscientia, ne quod vetuerat videretur emisse. Proprium humani ingenii est odisse quem laeseris: Domitiani vero natura praeceps in iram, et quo obscurior, eo inrevocabilior, moderatione tamen prudentiaque Agricolae leniebatur, quia non contumacia neque inani iactatione libertatis famam fatumque provocabat. Sciant, quibus moris est inlicita mirari, posse etiam sub malis principibus magnos viros esse, obsequiumque ac modestiam, si industria ac vigor adsint, eo laudis excedere, quo plerique per abrupta, sed in nullum rei publicae usum <nisi> ambitiosa morte inclaruerunt.

[Zythophilus]

Moenia Gregorio linquuntur Auennica papae,

ut Tiberim repetat templaque sacra Petro.

[Zythophilus]

Caesare crudeli, Cypriane, iubente necaris

et capite erepto, candide praesul, obis.

[marcus03]

Agatha Maria Clarissa Christie scriptrix Britanna nascitur
Agatha Maria Clarissa Miller in oppido Torquay.
Cuius fabula, quae inscribitur MVSCIPVLA, ex annis LXXII cottidie, agitur Londini.
Obiit prid. Id. Ian. anno MCMLXXVI Wallingfordi.

Imaginandi vis servus bonus, sed dominus malus.

Tempus fabulae excogitandae optimum adest, dum vasa lavo.

Instinctus res est mirifica. Qui explicari non potest,
sed multo pretiosior est scientia.

Consuetudo humana est mira res malas tantum credere,
quas de aliis accipimus.

Nihil est peius quam si tui id, quod dixisti, false interpretantur.

[Zythophilus]

Septimus Vrbanus Romanus papa creatur,

sed solum breuior pontificatus erit.

[Tiberis]

Gloriam magnam sibi qui pararat
construens alas adamante factas,
Willy Messerschmitt obiit redemptor
ingeniosus.

[marcus03]

Illi PATRES PERIGRINANTES, qui dicuntur, nave MAYFLOWER in Americam proficisci coeperunt,
i.e. in mundum, qui dicitur novus.
Quos in urbe Plymouth ancoras sustulisse constat. Iter erat LXVI dierum.
Ad paeninsulam PROVINCETOWN appulsi esse feruntur.

[Zythophilus]

Principis in Latio finitur uita Seueri,

imperium quocum tres habuere uiri.

[ille ego qui]

Nonne iuvabit ex carminibus vestris annalibus libellum conflare?
Utinam a Conso nostro veniam petere liceret (liceat??)!